________________
146
नायाधम्मकाओ
[ XT11.100
एवं जव चिंता आपुच्छणा नंदापुक्खरिणी वणसंडा सहाओ तं चैव सव्वं जाब नंदाए दहुरत्ताए उववन्ने । तं अहो णं अहं अहन्ने अपुण्णे अकयपुण्णे निग्गंथाओ पावयणाओ नट्ठे भट्ठे परिब्भट्ठे । तं सेयं खलु ममं सयमेव पुव्वपडिवन्नाई पंचाणुव्वयाई उवसंपजित्ताणं विहरित्तए । एवं संपेहेइ २ पुञ्वपडिवन्नाई पंचाणुव्वयाई जाव आरुहइ २ इमेयारूवं अभिग्गहं अभिगिves - कप्पइ मे जावज्जीवं छटुंछद्वेणं अणिक्खित्तेणं अप्पाणं भावेमाणस्स विहरित्तए । छट्ठस्स वि य णं पारणगंसि कप्पइ मे नंदाए पोक्खरिणीए परिपेरंतेस फासुएणं ण्हाणोदएणं उम्महणालोलियाहि य वित्तिं कप्पेमा णस्स विहरित्तए । इमेयारूवं अभिग्गहं अभिगेण्हइ जावजीवाए छट्ठछट्ठे जाव विहरइ । तेणं कालेणं २ अहं गोयमा ! 1 गुणसिलए समोसड़े परिसा निम्गया । तए णं नंदाए पोक्खरिणीए बहुजणो व्हाइ ३ अन्नमन्नं जाव समणे ३ इहेव गुणसिलए चेइए समोसड्ढे । तं गच्छामो णं देवाणुप्पिया ! समणं ३ वंदामो जाव पज्जुवासामो । एवं
1
इहभवे परभवे यहियाए जाव आणुगामियत्ताए भविस्सइ । तए तरस दहुरस्स बहुजणस्स अंतिए एयमहं सोच्चा निसम्म अयमेयारूवे अज्झथिए ४ समुपज्जत्था - एवं खलु समणे ३ समोसढे । तं गच्छामि णं वंदामि । एवं संपेहेइ २ नंदाओ पुक्खरिणीओ सणियं २ उत्तरेइ जेणेव रायमग्गे तेणेव उवागच्छइ २ ताए उक्किट्ठाए ५ दहुरगईए वीईवयमाणे जेणेव ममं अंतिए तेणेव पहारेत्थ गमणाए । इमं चणं सेणिए राया भिंभसारे व्हाए कयकोउय जाव सव्वालंकारविभूसिए हत्थिखंधवरगए सकोरेंट मल्लदा मेणं छत्तेणं धरिज्जमाणेणं सेयवरचामरेहि य उद्धव्वमाणे हिं इयगयरह० महया भडचडगरचा उरंगिणीए सेणाए सद्धिं संपरिवुडे मम पायवंदए हव्वमागच्छइ । तए णं से दहुरे सेणियस्स रन्नो एगेणं आसकिसोरएणं वामपाएणं अते समाणे अंत निग्घाइए कए यावि होत्था । तए णं से दहुरे अथामे अबले अवीरिए अपुरिसक्कार परक्कमे अधारणिनमित्तिकट्टु एगतमवक्कमइ करथैल जाव एवं बयासी - नमोत्थु णं अरहंताणं जव संपत्ताणं । नमोत्थु णं मम धम्मायरियस्स जाव संपाविउकामस्स |
