________________
४७
श्री महानिशीथ सूत्रम् वावन्ना पुणरवि सयं वा तहाविहेणं चुन्नजोगेणं वा पयलेज्जा एवं सा इत्थी पुरिसदसणेण वा पुरिसालावगकरिसणेण' वा मंदेणं कंदप्पेणं कामग्गीए पुणरवि उप्पयलेज्जा ।२२। ___एत्थं च गोयमा ! जमित्थीयं भएण वा लज्जाए वा कुलंकुसेण वा जाव णं धम्मसद्धाए वा तं वेयणं अहियासेजा नो णं वियंमं समायरिज्जा से णं धन्ना से णं पुन्ना से य णं वंदा से णं पुजा से णं दट्ठव्वा से णं सव्वलक्खणा से णं सव्वकल्लाणकारया से णं सव्वुत्तममंगलनिही से णं सुयदेवया से णं सरस्सती से णं अंबहुंडी से णं अच्चुया से णं इंदाणी से णं परमपवित्तुत्तमा सिद्धी मुत्ती सासया सिवगइत्ति ।२३।
जमित्थियं तं वेयणं नो अहियासेजा वियंमं वा समायरेज्जा से णं अधन्ना से णं अपुण्णा से णं अवंदा से णं अपुजा से णं अदट्ठव्वा से णं अलक्खणा से णं भग्गलक्खणा से णं सव्व-अमंगल-अकल्लाण- भायणा से णं भट्टसीला से णं भट्ठायारा से णं परिभट्टचारित्ता से णं निंदणीया से णं गरहणीया से णं खिंसणिज्जा से णं कुच्छणिच्चा से णं पावा से णं पावपावा से णं महापावपावा से णं अपवित्तत्ति । एवं तु गोयमा ! चडुलत्ताए भीरुत्ताए कायरत्ताए लोलत्ताए उम्मायओ वा दप्पओ वा कंदप्पओ वा अणप्पवसओ वा आउट्टियाए वा जमित्थियं संजमाओ परिभस्सिय दूरद्धाणे वा गामे वा नगरे वा रायहाणीए वा वेसग्गहणं अच्छड्डिइय पुरिसेण सद्धिं वियंमं समायरेज्जा भुजो २ पुरिसं कामेज वा रमेज वा । अहा णं तमेव २अदोयत्थियं कजमिइ परिकप्पेत्ताणं
तमाइंचेजा, तं चेव आइंचमाणी 'पस्सिया णं उम्मायओ वा दप्पओ वा कंदप्पओ वा अणप्पवसओ वा आउट्टियाए वा केइ आयरिएइ वा
१. 'सवणेण' पाठान्तरमिति । २. देवीविशेष इति । २अ. दौत्यस्त्रीकं कार्यमिति ।
३. परिकल्पय्येति । ४. तामाक्रमेतेति । ५. दृष्ट्वेति ।
