________________
१२६
श्री महानिशीथ सूत्रम्-अध्य०५ .. आलंबणाण भरिओ लोओ जीवस्स अजउकामस्स ।
जं जं पिच्छइ लोए तं तं आलंबणं कुणइ ।।९४।। जत्थ मुणीण कसाए चमढिजंतेवि परकसाएहिं । णेच्छेज समुद्रुउं सुणिविट्ठो पंगुलव्व तयं गच्छं ।।९५।। धम्मंतरायभीए भीए संसारगब्भवसहीणं । णोदीरिज कसाए मुणी मुणीणं तयं गच्छं ।।९६।। सीलतवदाणभावणचउविह धम्मंतरायभवभीए । जत्थ बहू गीयत्थे गोयम ! गच्छं तयं वासे ।।९७।। जत्थ य कम्मविवागस्स चिट्ठियं चउगईए जीवाणं । णाऊण महवरद्धेऽवी नो पकुप्पंति तं गच्छं ।।९८।। जत्थ य गोयम ! 'पंचण्ह कहवि सूणाण एक्कमवि होज्जा । तं गच्छं तिविहेणं वोसिरिय वइज्ज अन्नत्थ ॥१९॥ सूणारंभपवित्तं गच्छं वेसुजलं व ण वसेज्जा । जं चारित्तगुणेहिं तु उज्जलं तं निवासेज्जा ।।१००। तित्थयरसमो सूरी दुजयकम्मट्ठमल्लपडिमल्ले । आणं अइक्कमंते ते कापुरिसे न सप्पुरिसे ।।१०१।। भट्ठायारो सूरी भट्ठायाराणुविक्खओ सूरी । उम्मग्गठिओ सूरी तिण्णिवि मग्गं पणासंति ।।१०२।। उम्मग्गटिए सूरिंमि निच्छयं भव्वसत्तसंघाए । जम्हा तं मग्गमणुसरंति तम्हा ण तं जुत्तं ।।१०३।।
१. खण्डनी, पेषणी, चुल्ली, पानीयगृहं प्रमार्जनी चेति ।
