________________
उत्तराध्ययनसूत्रम् (अध्ययन २३) ९५ महामेहप्पसूयाओ, गिज्झ वारि जलुत्तमं ।। सिंचामि सययं देहं, सित्ता नो व डहति मे ॥ ५१ ।। अग्गी य इइ के वुत्ता, केसी गोयममब्बवी । केसिमेवं बुवंत तु, गोयमा इणमब्बवी ।। ५२ ।। कसाया अग्गिणो वुत्ता, सुयसीलतो जल । सुयधाराभिहया संता, भिन्ना हु न डहति मे ॥ ५३ ॥ साहु गोयम पन्ना ते, छिन्नो मे संसओ इमो । अन्नो वि संसओ मज्झ, त मे कहसु गोयमा ॥ ५४ ।। अयं साहसिओ भीमो, दुटुस्सो परिधावई । जसि गोराम आम्ढो, कह तेण न हीरसि ।। ५५ ।। पधावंत निगिण्हामि, सुयरस्सीसमाहियं ।। न में गच्छइ उम्मग्ग, मग्गं च पडिवज्जई ॥ ५६ ॥ आसे य इइ के वुत्ते, केसी गोयममब्बवी । केसिमेवं बुवंत तु, गोयमो इणमब्बवी ॥ ५७ ॥ मणो साहसिओ भीमो, दुवस्सो परिधावई ।। तं सम्मं तु निगिण्हामि, धम्मसिक्खाइ कथग ॥ ५८ ॥ साहु गोयम पन्ना ते, छिन्नो मे संसओ इमो । अन्नो वि संसओ मझ, तं मे कहसु गोयमा ॥ ५९ ॥ कुप्पहा बहवो लोए. जेहिं नासंति जतुणो । अद्धाणे कह वट्टते, तं न नाससि गोयमा ॥ ६० ॥ जे य मग्गेण गच्छति. जे य उम्मग्गपट्ठिया । ते सव्वे बेइया मज्झं, त न नस्सामह मुणी ॥ ६१ ॥
