________________
तइयं अज्झयणं 'उवसग्गपरिणा'
पढमो उद्देसओ १६५. सूरं मन्नति अप्पाणं जाव जेतं न पस्सति ।
जुझंतं दढधम्माणं सिसुपाले व महारहं ॥१॥ १६६. पयाता सूरा रणसीसे संगामम्मि उवट्ठिते ।
माता पुत्तं ण याणाइ जेतेण परिविच्छए ॥२॥ १६७. एवं सेहे वि अप्पुढे भिक्खाचरियाअकोविए ।
सूरं मन्नति अप्पाणं जाव लूहं न सेवई ॥३॥ १६८. जदा हेमंतमासम्मि सीतं फुसति सवातगं ।
तत्थ मंदा विसीयंति रज्जहीणा व खत्तिया ॥४॥
१६९. पुढे गिम्हाभितावेणं विमणे सुप्पिवासिए ।
तत्थ मंदा विसीयंति मच्छा अपोदए जहा ॥५॥
१७०. सदा दत्तेसणा दुक्खं जायणा दुप्पणोलिया ।
कम्मत्ता दुब्भगा चेव इच्चाहंसु पुढो जणा ॥६॥
१७१. एते सद्दे अचायंता गामेसु नगरेसु वा ।
तत्थ मंदा विसीयंति संगामंसि व भीरुणो ॥७॥
१७२. अप्पेगे झुझियं भिक्खुं सुणी दसति लूसए ।
तत्थ मंदा विसीयंति तेजपुट्ठा व पाणिणो ॥८॥
44
