________________
तइओ उद्देसओ ६०. जं किंचि वि पूतिकडं सढीमागंतुमीहियं ।
सहस्संतरियं भुंजे दुपक्खं चेव सेवती ॥१॥ ६१. तमेव अविजाणंता विसमंमि अकोविया।
मच्छा वेसलिया चेव उदगस्सऽभियागमे ॥२॥ ६२. उदगस्सऽप्पभावेणं सुक्कंमि घातमिति उ ।
ढंकेहि य कंकेहि य आमिसत्थेहिं ते दुही ॥३॥
६३. एवं तु समणा एगे वट्टमाणसुहेसिणो।
मच्छा वेसालिया चेव घातमेसंतऽणंतसो ॥४॥ ६४. इणमन्नं तु अण्णाणं इहमेगेसिमाहियं ।
देवउत्ते अयं लोगे बंभउत्तेत्ति आवरे ॥५॥ ६५. ईसरेण कडे लोए पहाणाति तहावरे ।
जीवा-ऽजीवसमाउत्ते सुह-दुक्खसमन्निए ॥६॥ ६६. सयंभुणा कडे लोए इति वुत्तं महेसिणा ।
मारेण संथुता माया तेण लोए असासते ॥७॥ ६७. माहणा समणा एगे आह अंडकडे जगे।
असो तत्तमकासी य अयाणंता मुसं वदे ॥८॥ ६८. सएहिं परियाएहि लोयं बूया कडे ति या ।
तत्तं ते ण विजाणंतीण विणासि कयाइ वि ॥९॥
16
