Page Text
________________
141
-XIII.99]
नायाधम्मकहाओ
॥ तेरसमं अज्झयणं ॥ ..... ___(99) जइ णं भंते ! समणेणं जाव संपत्तेणं बारसमस्स अयमहे पन्नत्ते तेरसमस्स के अढे पन्नत्ते ? एवं खलु जंबू ! तेणं कालेणं २ रायगिहे नयरे गुणसिलए चेइऐ समोसरणं परिसा निग्गया । तेणं कालेणं २ सोहम्मे कप्पे दहुरैवडिंसए विमाणे सभाए सुहम्माए दडुरंस सीहासणंसि दुहुरे देवे चउहिं सामाणियसाहस्सीहिं चउहिं अग्गमहिसीहि संपरिसाहिं एवं जहा सूरियाभे जाव दिव्वाइं भोगभोगाई भुंजमाणे विहरइ इमं च णं केवलकप्पं जंबुद्दीवं दीवं विउलेणं ओहिणा आभोएमाणे २ जाव नट्टविहिं उवदंसित्ता पडिगए जहा सूरियाभे। भंते ! त्ति भगवं गोयमे समणं ३ वंदइ नमसइ २ एवं वयासी - अहो णं भंते ! दहुरे देवे महिड्डिए ६ । दहुरस्स णं भंते ! देवस्स सा दिव्वा देविड्डी ३ कहिं गया? कहिं पविट्ठा ? गोयमा ! सरीरं गया सरीरं अणुपविट्ठा कूडागारदिटुंतो। ददुरेणं भंते ! देवेणं सा दिव्वा देविड्डी ३ किन्ना लद्धा जाव अभिसमन्नागया ? एवं खलु गोयमा ! इहेव जंबुद्दीवे २ भारहे वासे रायगिहे गुणसिलए चेइए सेणिए राया। तत्थ णं रायगिहे नंदे नामं मणियारसेट्ठी परिवसइ अड़े दित्ते । तेणं कालेणं २ अहं गोयमा ! समोसड्डे परिसा निग्गया सेणिए वि निग्गए । तए णं से नंदे मणियारसेट्ठी इमीसे कहाए लद्धडे समाणे व्हाए पायचारेणं जाव पज्जुवासइ । नंदे धम्मं सोच्चा समणोवासए जाए । तए णं अहं रायगिहाओ पडिनिक्खते बहिया जणवयविहारं विहरामि । तए णं से नंदमणियारसेट्ठी अन्नया कयाइ असाहुदंसणेण य अपज्जुवासणाए य अणणुसासणाए य असुस्सूसणाए य सम्मत्तपज्जवेहिं परिहायमाणेहिं २ मिच्छत्तपज्जवेहिं परिवड्डमाणेहिं २ मिच्छत्तं विप्पडिवन्ने जाए यावि होत्था । तए णं नंदे मणियारसेट्ठी अन्नयाँ कयाइ गिम्हकालसमयांस जेट्ठामूलंसि मासंसि अट्ठमभत्तं परिगेण्हइ २ पोसहसालाए जाव विहरइ । तए णं नंदस्स अट्ठमभत्तंसि परिणममाणंसि तण्हाए छुहाए य अभिभूयस्स समाणस्स इमेयारूवे अज्झथिए ४ - धन्ना णं ते जाव ईसरपभियओ जेसिं णं रायगिहस्स बहिया बहूओ वावीओ
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |