________________
तिलोयपण्णत्ती
लक्खणजुत्ता संपुण्णमियंकसुंदरमहाभासा। णिच्चं चेयकुमारा देवा देवी य तारिसिया ॥१२६॥ रोगजरापरिहीणा णिरुवमबलवीरिएहि परिपुरणा। आरत्तपाणिचरणा कदलीघादेण परिचत्ता ॥१२७॥ वररयणमोड'धारी वरविविहविभूसणेहिं सोहिल्ला । मंसट्टिमेधलोहिदमजवसासुक्कपरिहीणा ॥१२८॥ कररुहकेसविहीणा णिरुवमलावण्णदित्तिपरिपुण्णा। बहुविहविलाससत्ता देवा देवी य ते होंति ॥१२९॥ असुरादीभवणसुरा सव्वे ते होंति कायपडिचारा । वेदसुदीरणयाए अणुभवणं माणससमाणं ॥१३०॥ धाउविहीणप्तादो रेदविणिग्गमणमत्थि ण हु ताणं । संकप्पसुहं जायदि वेदस्स उदीरणाविगमे ॥१३१॥ बहुविहपरिवारजुदा देविदा विविहछत्तपहुदीणं। . सोहंति विभूदीहि पडिइंदादी य चत्तारो ॥१३२॥ पडिइंदादिचउगहं सिंहासणादवत्तचमराणिं । णियणियइ दसमाणिं आयारे होति किंचूणा ॥१३३॥ सव्वेसि इंदाणं चिण्हाणि तिरीटमेव मणिखजिदं । पडिइंदादिचउण्हं चिण्हं मउडं मुणेदव्या ॥१३४॥ उलगसालापुरदो चेत्तदुमो होति विविहरयणमया। भसुरप्पहुदिकुलाणं ते चिण्हा इंदमाहोति ॥१३५॥ अस्सत्थसत्तवण्णा संमलजंबू य वेतसकदंबा । तयपीयंगू सिरसा पाला सरा यह मा कमसो ॥१३६।। चेत्तदुमामूलेसुं पत्तेक चउदिसासु चेते। पंचजिणिंदप्पडिमा पलियंकठिदी परमरम्मा ॥१३७॥ पडिमाणं अग्गेसुं रयणत्थंभा हवंति वीस फुढं। पडिमापीढसरिच्छा पीढा थंभाण णादव्वा ॥१३८॥ एक्केकमाणथंभे अट्ठावीसं जिणिंदपडिमाउ । चउसु दिसासुं सिंहासणविण्णासजुत्ताउ ॥१३९॥ सेसाउ वण्णणाउ चउवणमझत्थचेत्ततरुसहस्सा।
छत्तादिछत्तपहुदीजुदाणि जिणणाहपडिमाणं ॥१४०॥ I AB मे ; 2 पडिमाणि (?) ।
।
