________________
तिलोयपएणत्तो
इंदादीपंचण्णं सरिसो आहारकालपरिमाणं । तणुरक्खप्पहुदीणं तस्सि उवदेस उच्छिण्णा ॥११३॥ चमरदुगे उस्सासं पणरसदिणाणि पंचवीसदलं । पुहपुहमुहूत्तयाणं भूदाणंदादिछक्कम्मि ॥११४॥
दि १५ मु २५ + -
बारसमुहुन्तयाणिं जलपहपहुदीसु छस्सु उस्सासा। पगणरसमुहुप्तदलं अमिदगदिष्पहुदिछगणं पि ॥११५॥
मु १२ । १५ ।
दसवरससहस्साऊ जो देवो तस्स भोयणावसरो। दोसु दिवसेसु पंचसु पल्लपमाणाउजुत्तस्स ॥११६॥ जोयजुदाऊ देवो उस्सासा तस्स सत्तपाणेहिं । ते पंचमुडुत्तेहि पलिदोवमयावजुत्तस्स ॥११७॥ पडिादादिचउगणं इंदसरिसा हुवंति उस्सासा। तगुरक्खपहुदीसुं उवएसो संपइ पणट्ठो ॥११८॥ सव्वे असुरा किण्हा हुवंति णागा वि कालसामलया । गरुडा दीवकुमारा सामलवण्णा सरीरेहिं ॥११९॥ उदधिधणिदकुमारा ते सव्वे कालसामलायारा। विज्जू विज्जुसरिच्छा सामलघण्णा दिसकुमारा ॥१२०॥ अग्गिकुमारा सव्वे जलंतसिहिजालसरिसदितिधरा । णवकुवलयसमभावा वादकुमारा वि णादव्वा ॥१२॥ पंचसु कल्लाणेसुं जिणिदपडिमाण पूजणणिमित्तं । णंदीसरम्मि दीवे इंदा जायंति भत्तीए ॥१२२॥ सीलादिसंजुदाणं पूजणहे, परिक्खणणिमित्तं । णियणियकोडणकज्जुववइरिसमूहस्स मारणिच्छाए ॥१२॥ असुरप्पाहुदीण गदी उड्डसरूवेण जाव ईसाणं । णियवसदो परवसदो अच्चुदकप्पा बही होदि ॥१२४॥ कणय व्व णिरुवलेवा णिम्मलकंती सुगंधणिस्सासा। णिरुवमयरूवरेखा समचउरस्संगसंठाणा ॥१२५॥
