________________
तिलोयपएणत्तो
अणुभागपदेसाई चहिं पत्तेक्कभेजमाणं तु । णाणावरणप्पहुदी अट्टविहं कम्ममखिलपावरयं ॥१२॥ अभंतरवमलं जीवपदेसे णिबद्धमिदि' हेदो। भावमलं णादव्वं अणाणदसणादिपरिणामो॥१३॥ अहवा बहुभेयगयं णाणावरणादियभावमलभेदा। ताई गालेदि पुढे जदो तदो मंगलं भणिदं ॥१४॥ अहवा मंगं सोक्खं लादि हुगेरहेदि मंगलं तम्हा । एदाण कजसिद्धि मंगलगत्थेदि गंथकत्तारो॥१५॥ पुवं आइरिएहिं मंगलपुव्वं च वाचिदं भणिदं । तं लादि हु आदत्ते जदो तदो मंगलप्पवरं ॥१६॥ पावं मलं ति भण्णदि उवचारसरूवएण जीवाणं । तं गादि विणासं णेदि त्ति भणंति मंगलं केई ॥१७॥ णामणिट्ठावणा दो दबखेत्ताणि कालभावा य। इय छन्भेयं भणियं मंगलमाणंदसंजणणं ॥१८॥ अरहाणं सिद्धाणं प्राइरियउवउझायाइसाहूणं । णामाई णाममंगलमुद्दिढ वीयराएहि ॥१६॥ ठवणभंगलमेदं अट्टिमाकट्टिमाणि जिणबिंबा। सूरिउवज्झयसाहूदेहाणि हु दधमंगलयं ॥२०॥ गुणपरिणदासणं परिणिक्कमणं केवलस्स णाणस्स। उप्पत्ती इयपहुदी बहुभेयं खेत्तमंगल ॥२१॥ एदस्स उदाहरणं पावाणगरुजयंतपादी। पाउहत्थपहुदी पणुवीसहियपणसयधणूणि ॥२२॥ देहअवहिदकेवलणाणावट्ठद्धगयणदेसो वा। सेढीघणमेत अप्पपदेसगद लोयपूरणं पुण्णं ॥२३॥ विण्णासं लोयाणं होदि पदेसा वि मंगलं खेत्तं। जस्सि काले केवलणाणादिमंगल परिणमदि10 ॥२४॥ परिणिक्कमणं केवलणाणुज्भवाणबुदिपवेसादी।
पावमलगालणादो पगणतं कालमंगलं एवं ॥२५॥ _II भाव; 2 BS भेदमाणां; 3 BS णिबंध; AAB गालेइ; 5 B आदते ; 6 A उवज्झाय; 7 AB मित्त ; 8 B गई, s जदं; 9 s लोयपूरणा पुण्णा ; IO A BS परिणमति। .
