________________
બત્રીશી-૧૨, લેખાંક-૬૮
૭૩૧ મળે છે, તો બીજા અન્ય ત્યાગી વર્ગની.. તો વળી ત્રીજા ઓર અન્યત્યાગી વર્ગની. એટલે કે લોકમાં તો સામાન્યથી બધા જ ત્યાગીની ભક્તિ જોવા મળે છે. તેથી આ જીવો જેમ સર્વદેવની પૂજા કરે છે, એમ સર્વ ત્યાગીવર્ગની પાત્ર સમજીને દાનદ્વારા ભક્તિ કરે છે. વળી દેવપૂજામાં જેમ અધિમુક્તિવશાત્ એક દેવની ભક્તિ કહી છે એમ અહીં પણ પોતાની કુલપરંપરા વગેરે કારણે અમુક ત્યાગી સમૂહપર વિશેષ શ્રદ્ધા હોય તો એમની ભક્તિ દાન દ્વારા કરે. હા, મતિઅભિનિવેશ તો ન જ જોઈએ. “હું ભલે આ ત્યાગીને જ દાનાદિ કરું છું. બાકી તો બધા જ ત્યાગી દાનાદિના પાત્ર છે” આવી લાગણી દિલમાં હોય જ. પોતે જે એકને જ દાનાદિ કરે છે, તે તેઓમાં ગુણાધિક્ય જોયું છે માટે નહીં, પણ કુલપરંપરા વગેરે કારણે ત્યાં વિશેષ શ્રદ્ધા છે, માટે.
શંકા : ગ્રન્થમાં તો “અધિમુક્તિવશાત્’ની કોઈ વાત કરી નથી.
સમાધાનઃ દેવમાં તો, દેવ કાંઈ સામેથી સાધકના ઘેર આવતા નથી, પોતે સ્વયં દેવના મંદિર જવું પડે છે. એટલે જે આદિધાર્મિકની વિશેષ શ્રદ્ધા અમુક દેવ પર બંધાયેલી હોય એ તો દરેક વખતે એ જ દેવના મંદિરે જશે, ને તેથી બીજા દેવની પૂજા કરવાનો પ્રસંગ એને આવવાનો નથી. પણ ત્યાગી ગુરુ માટે આવું નથી. પોતે સામેથી બોલાવવા જવું, ઘરે તેડાવવા ને દાનાદિ કરવા... આવું તો જેમના પર વિશેષ શ્રદ્ધા હોય એ ત્યાગી માટે જ હોય. છતાં બીજા ત્યાગીઓ પણ ભિક્ષા વગેરે માટે ઘરે સામેથી આવે એ લગભગ સંભવિત છે જ. ત્યારે, અભિનિવેશ ન હોવાથી આ આદિધાર્મિક જીવ એમને પણ પાત્ર સમજીને ભક્તિથી દાન આપે જ છે. નથી આપતો એવું નથી. એટલે માત્ર એક ત્યાગીને જ દાન આવું લગભગ શક્ય બનતું નથી. માટે એનો ઉલ્લેખ નથી એમ સમજવું જોઈએ.
