________________
मूलशुद्धिप्रकरणम्-द्वितीयो भागः
तीए वि तयं पडिवज्जिऊण भणिओ रहम्मिं नियनाहो । 'किं चाडुयकव्वाईं न पसंससि तस्स विउसस्स ?' ॥२२॥ तो भइ तयं मंती 'कहं पसंसामि मिच्छसुयमेयं ?' | ती व आगणं ता भणिओ जाव पडिवणं ||२३|| तीए य आगहं जाणिऊण पडिवज्जिउं तओ मंती । रायपुरओ पयंपइ वररुइणा चाडुए पढिए || २४ ॥ 'अहह सुभासियमेयं' तं सोउं पत्थिवो तओ तस्स । तुझे दीणारसयं अट्ठहिं अहियं पयच्छेइ ॥२५॥
एवं दिणे दिणे जावदेइ ता चिंतए पुणो मंती | 'कह एस करो जाओ उवरोहगयाण अम्हाण ?' ||२६||
तो विण्णवेइ रायं 'दिवसे दिवसे किमित्तियं देह । एयस्स बहु सुवणं ?' 'पसंसिओ जं तुमे, तेण ॥२७॥ तो भइ 'न मे एसो पसंसिओ, किंतु लोयकव्वाई । पेढिउं अविणट्ठाई कह रायं पत्तियावेइ ?' ॥२८॥
'किं सच्चमिणं ?' भणियम्मि राइणा भणइ 'डिभयाई पि । एयारिसं पढंती कैल्ले तुम्हाण दाइस्सं' ॥२९॥
दुहियाओ तस्स सत्त उ मंतिस्स इमाओ अत्थि पयडाओ । बहुगुणगणकलियाओ तेलुक्कब्भहियरूयाओ ॥३०॥
जक्खा य जक्खदिण्णा भूया तह होइ भूयदिण्णा य । सेणा वेणा रेणा भगिणीओ थूलभद्दस्स ॥३१॥ तोताओ बीयदिवसे रायसमीवम्मि जवणियापुरओ । ठावेइ ताण पढमा गिण्हइ एक्काए वाराए ॥ ३२ ॥ बीया य दोहिं तइया तिहि लेइ चउत्थिया पुणो चउहिं । पंचमिया पंचेहिं छट्ठी छहिं सत्तहिं चरिमा ॥ ३३॥
तो वररुइणा पढिए पभणइ 'जक्खे ! तुमं पि पढसु' त्ति । पढियं च तीए एक्कसि सुयं च, एवं च सव्वाहिं ||३४||
१. ला. "म्मि भत्तारो ॥ २. ला. विना पढाई ॥ ३. ला. कल्लं ॥ ४. ला. ठावेऊणं प° ॥
११
