________________
મારાધના પંચક (૫)
૯૧
મેં પૂર્વે કદાપિ પણ જિન-સાધુને નમસ્કાર મેળવેલ નથી તેથી જ આજે જન્મ મરણ ચાલુ છે. ૩૧૪
જો પહેલાં મેં આ નવકાર મંત્ર મેળવ્યો હોત તો કર્મક્ષય કેમ ન થયો ? દાવાનળ સળગ્યા પછી ઘાસની ગંજી કેટલો વખત સ્થિર રહી શકે? ૩૧૫
અથવા કદાચ જો મેળવ્યો હશે તો ભાવ વગર માત્ર દ્રવ્યથી મેળવ્યો હશે. જ્યાં સુધી ચિંતામણિ તરીકે ન ઓળખો હોય ત્યાં સુધી તે કેવી રીતે ફળ આપે ? ૩૧૬
હવે મારે એ પ્રયત્નપૂર્વક આરાધવો જોઈએ. "જો હું જન્મમરણનાં દુઃખનો અંત ઈચ્છતો હોઉ તો આમ બોલીને મહારથ સાધુ અપૂર્વકરણ કરીને ક્ષપકશ્રેણી પર આરૂઢ થયા. કેવી રીતે ? ૩૧૭
તે ક્ષપકશ્રેણિ પર આરૂઢ થઈ મોક્ષગતિને પામ્યા તેનો ક્રમ આ પ્રમાણે છે -
તે મહાસત્ત્વવાળો શુકલધ્યાન રૂપી અગ્નિવડે કર્મવૃક્ષને બાળે છે. પ્રથમ સમયે અનંતાનુબંધી નામની ચારે કષાયોની ચોકડી તેણે ચૂરી નાંખી. ૩૧૮
બીજા સમય વડે પછી તે સર્વ મિથ્યાત્વ ખપાવે છે. પછી મિશ્ર મોહનીય અને સમ્યક્ત્વ મોહનીયના પુદ્ગલો ખપાવે છે. ૩૧૯
