________________
co
आराहणापण (५) णूणं अलद्धउव्वो संसारमहोयहिं भमंतेणं । जिणसाहुनमोक्कारो तेणज्ज वि जम्म-मरणाइं ||३१४||
जइ पुण पुदि लद्धो ता कीस न होइ मज्झ कम्मखओ ? | दावाणलम्मि जलिए तणरासी केच्चिरं ठाइ ? ||३१५||
अहवा भावेण विणा दवेणं पाविओ मए आसि । जाव न गहिओ चिंतामणि त्ति ता किं फलं देइ ? ||३१६||
ता संपइ पत्तो मे आराहेयवओ पयत्तेणं । जइ जम्मण-मरणाणं दुक्खाणं अंतमिच्छामि ।। ३१७|| एयं भणमाणो महारहसाहू अउव्वकरणेणं खवगसेणिं समारूढो । कहं ? - (गा. ३१८-२९. महारहमुणिणो खवगसेढि
समारोहपुव्वं मोक्खगमणं) झोसेइ महासत्तो सुक्कज्झाणानलेण कम्मतरुं । पढमं अणंतनामे चत्तारि वि चुण्णिए तेण ॥३१८|| अन्नसमएण पच्छा मिच्छत्तं सो खवेइ सव्वं पि। मीसं च पुणो सम्मं खवेइ जं पुग्गलं आसि · |३१९||
