________________
૨૫૮
વૈરાગ્યકલ્પલતા/શ્લોક-૨૪૧થી ૨૪૫, ૨૪૧ મુનિઓ અપ્રમત્ત હોય છે. વળી હાથી જેમ શત્રુને નાશ કરવામાં શૂરવીર હોય છે તેમ કર્મશત્રુના નાશ માટે સમાધિવાળા મહાત્માઓ મહાશૂરાતનવાળા હોય છે. વળી જેમ વૃષભો અતિ વીર્યના પ્રકર્ષવાળા હોય છે તેમ સમાધિવાળા મહાત્માઓ અંતરંગ પરિણામ કરવામાં વીર્યના પ્રકર્ષવાળા હોય છે. વળી સિંહ જેમ શત્રુ સાથે લડવામાં પીછેહઠ ન કરે તેમ સમાધિવાળા મહાત્માઓ મોહને નાશ કરવામાં પીછેહઠ ન થાય તેવા સત્ત્વવાળા હોય છે. વળી સમુદ્ર અત્યંત ગંભીર હોય છે તેમ સમાધિવાળા મહાત્મા આત્માના સૂક્ષ્મભાવોને જોવામાં દૃઢ યત્નવાળા હોવાથી ગંભીરતાવાળા હોય છે. વળી મેરુપર્વત જેમ સ્થિર હોય છે તેમ સમાધિવાળા મહાત્માઓ ઉપસર્ગો ને પરિષદોમાં અત્યંત નિશ્ચલ હોય છે. વળી સમાધિવાળા મહાત્માઓ ચંદ્રના જેવી ઉજ્જવલ સૌમ્ય વેશ્યાવાળા હોય છે તેથી સર્વ જીવો પ્રત્યે દયાળુ પરિણામવાળા હોય છે. વળી જેમ સૂર્ય અદૂભુત દીપ્તિવાળો હોય છે તેમ સમાધિવાળા મહાત્માઓ પોતાના ગુણોની વૃદ્ધિના વ્યાપારમાં અદ્ભુત દીપ્તિવાળા હોય છે. વળી સુવર્ણ જેમ સુંદર જાતિવાળું હોય છે તેમ સમાધિવાળા સુજાત સ્વરૂપવાળા હોય છે. આથી જ ક્યારેય મોહનો આશ્રય કરતા નથી. વળી પૃથ્વી સર્વ પ્રકારનો ભાર સહન કરે છે તેમ સમાધિવાળા યોગી અઢાર હજાર શીલાંગના ભારને વહન કરે છે. વળી જેમ અગ્નિ જાજ્વલ્યમાન હોય છે તેમ સમાધિવાળા મહાત્માઓ પોતાના ગુણોથી જાજ્વલ્યમાન હોય છે. ll૨૪૧-૨૪૨-૨૪૩-૨૪૪-૨૪પા શ્લોક -
गजाश्च सिंहा गरुडाश्च नागा, व्याघ्राश्च गावश्च सुरासुराश्च । तिष्ठन्ति पार्श्वे मिलिताः समाधि
साम्यस्पृशामुज्झितनित्यवैराः ।।२४६।। શ્લોકાર્ધ :
સમાધિના સામ્યને સ્પર્શનારા મહાત્માઓની પાસે નિત્ય જેઓનો પરસ્પર વૈરભાવ છે છતાં જેઓએ ત્યાગ કર્યા છે વૈરભાવ એવા
