________________
૧૩૨
- વૈરાગ્યકલ્પલતા/બ્લોક-૧૨૦થી ૧૨૪, ૧૨૫ અત્યંત પક્ષપાત થાય છે. તે પક્ષપાતના બળથી સુકૃતની અનુમોદના કરનાર મહાત્માઓનો મોહ નષ્ટ નષ્ટતર થાય છે જે સમાધિરૂપ છે. આ સમાધિનો પ્રકર્ષ થાય તો જીવો તીર્થંકરનામકર્મ બાંધે છે અને તીર્થકરના ભવમાં ફરી તે સમાધિનો સુઅભ્યાસ કરીને કેવલજ્ઞાનને પામે છે અને શત્રુના નાશથી કેવલજ્ઞાન કાળમાં તીર્થકરોમાં પ્રગટ થયેલી પરમ સમાધિ તેના માહાભ્યથી દેવતાઓ દ્વારા કરાયેલી આ સર્વ બાહ્ય સમૃદ્ધિ છે માટે જિનાગમને જાણનારાઓએ આ સમાધિમંત્રના જાપમાં સર્વપ્રકર્ષથી પ્રયત્ન કરવો જોઈએ.
વળી આ સમાધિમંત્ર માત્ર દુષ્કતગર્તા અને સુકૃતની અનુમોદનાની ક્રિયામાં વિશ્રાંત થતો નથી, પરંતુ દુષ્કૃત પ્રત્યે ગર્તા કરીને અને સુકૃતનો પક્ષપાત કરીને સુકૃતના સેવનના અતિશયયત્નમાં વિશ્રાંત થાય છે, તેથી તે સમાધિમંત્રનો જાપ કરનાર મહાત્માઓ પોતાની શક્તિના પ્રકર્ષથી દુષ્કતના ત્યાગપૂર્વક સુકૃતનું સેવન કરે છે જે સર્વ સમાધિમંત્રરૂપ છે. તેથી અહીં કહ્યું કે આ સમાધિ વૈરાગ્યનું સર્વસ્વ છે; કેમ કે વિરક્ત આત્માઓ શક્તિના પ્રકર્ષથી સમાધિને સેવનારા હોય છે માટે સમાધિનું સેવન એ વૈરાગ્યનું સર્વસ્વ છે, એ પ્રમાણે શાસ્ત્રના જાણનારાઓ જાણે છે. ll૧૨૦-૧ર૧-૧૨૨-૧૨૩-૧૨૪ અવતરણિકા :
આ રીતે સમાધિમંત્રથી આત્મામાં સમાધિ પેદા થાય છે તે બતાવીને તે સમાધિ વૈરાગ્યરૂપ છે તેમ પૂર્વમાં સ્થાપન કર્યું અને તે વૈરાગ્યને બતાવવા માટે ગ્રંથકારશ્રીએ વૈરાગ્યકલ્પલતા નામનો ગ્રંથ રચ્યો છે, તેથી હવે આવો વૈરાગ્ય જિનશાસનમાં જ છે. અન્યશાસનમાં જે કંઈ વૈરાગ્યનાં વચનો દેખાય છે તે પણ જિનશાસનનાં વચનોથી ઉદ્ધત છે તે બતાવવા અર્થે કહે છે – શ્લોક :
सिद्धं हि वैराग्यमिदं समाधिसुधास्वरूपं जिनशासनाब्धौ । अस्योद्धृतैबिन्दुभिरेव शास्त्राण्यास्वाद्यतां यान्ति पराणि लोके ।।१२५ ।।
