________________
૧૪]
[ પ્રરૂપણાવિચારગ્રન્થ પ્રસ્તાવના બહાર પડેલા ત્રણ દળદાર ગ્રંથ મને ભેટ આપ્યા. તેમાં તપાસ કરતાં એક નં. ૨૧૪૨ સા. ક્ર. ૧૨૭૪૭ નંબરની પૂર્વપક્ષવાળી ૧૨ પાનાની પ્રત અને એક ર૫૦૦ પૂર્વપક્ષ ઉત્તરપક્ષ સાથેની ૧૮ પાનાની પ્રત જોતાં મને અનહદ આનંદ થયો.
પૂ. આ. શ્રી પદ્મસાગરસૂરિજી મ. ને આ પ્રતની અને બીજી બીજી પ્રતોની માંગણી કરતાં તેઓએ ઉદારદિલે ગ્રંથપાલકને તાકીદની આજ્ઞા કરી! અને મને બંને પ્રતોની ઝેરોક્ષ નકલો પૂરી પાડતાં મારા મનોરથની સિદ્ધિ થવા પામી છે અને આજે સત્તરમી સદીનું એક અપ્રકટ સાહિત્યનું ભાષાંતર કરવાપૂર્વક જૈન સમાજને ખોળે પીરસવા ભાગ્યશાળી બનવા પામ્યો છું. તે બદલ પૂ. આ. શ્રી પાસાગરસૂરિ મ. નો જેટલો આભાર માનું તેટલો ઓછો ગણાશે. ભવિષ્યમાં મારા હાથે તેવા અપ્રસિદ્ધ ગ્રંથો કે સાહિત્ય પ્રસિદ્ધ થાય તો તેમાં પણ તેવો જ મૈત્રીભાવપૂર્વકનો મને સહયોગ તેઓશ્રી આપતા રહે એવી આકાંક્ષા રાખું છું.
આ ગ્રંથનું સંપૂર્ણ ભાષાંતર લખવાપૂર્વકની બબ્બે વાર નકલો કરનાર પૂ. મુનિશ્રી મહાભદ્રસાગરજીને તેમ જ મારા દરેક સાહિત્યની પ્રેસકોપીઓ કાળજીપૂર્વક અને ખંતથી કરી આપનાર સાધ્વીજી શ્રી વિદ્યાશ્રીજી મ. ના પ્રશિષ્યા સાધ્વીજી શ્રી પૂર્ણકલાશ્રીજી આદિને જેટલા ધન્યવાદ પાઠવું તેટલા ઓછા જ ગણાશે.
