________________
૨૬
ધર્મસંગ્રહ ભાગ-૫ / દ્વિતીય અધિકાર | શ્લોક-૧૨ काकारसमुच्चारणसमयं रयहरणमालिहेऊणं । यत्तिअसद्देण समं, पुणोवि सीसं तहाचेव ।।१३।। संफासंति भणंतो, सीसेणं पणमिऊण रयहरणे । उन्नामिअमुद्धंजलि, अव्वाबाहं तओ पुच्छे ।।१४।। खमणिज्जो भे किलामो, अप्पकिलंताण बहुसुभेणं भे । दिणपक्खो वरिसो वा, वइकंतो इय तओ तुसिणी ।।१५।। गुरुणो तहत्ति भणिए, जत्ताजवणीय पुच्छियव्वा य । परिसंठिएण इणमो, सराण जोएण कायव्वं ।।१६।। तत्थ य परिभासेसा, मंदमइविणेयगाहणट्ठाए । नीऊच्चमज्झिमाओ, सरजुत्तीओ ठवेयव्वा ।।१७।। नीओ तत्थणुदत्तो, रयहरणे उच्चओ उदत्तो अ ।। सीसे णिदंसणीओ, तदंतरालंमि सरिओ य ।।१८।। अणुदत्तो अ जकारो, त्ता सरिओ होइ भे उदत्तसरो । पुणरवि जवणीसद्दा, अणुदत्ताई मुणेअव्वा ।।१९।। जं अणुदत्तो अ पुणो, च स्सरिओ भे उदत्तसरणामो । एवं रयहरणाइसु, तिसु ठाणेसुं सरा णेया ।।२०।। पढमं आवत्ततिगं, वण्णदुगेणं तु रइयमणुकमसो । बीयावत्ताण तिगं, तिहि तिहि वण्णेहि निष्फण्णं ।।२१।। रयहरणंमि जकारं, त्ताकारं करजुएण मज्झंमि । भेकारं सीसम्मि य, काउं गुरुणो वयं सुणसु ।।२२।। तुब्भंपि वट्टइत्ति य, गुरुणा भणियंमि सेस आवत्ता । दुण्णिवि काउं तुसिणी, जा गुरुणा भणिअ एवंति ।।२३।। अह सीसो रयहरणे, कयंजली भणइ सविणयं सिरसा । खामेमि खमासमणो, देवसिआईवइक्कमणं ।।२४।। अहमवि खामेमि तुमे, गुरुणा अणुणाए खामणे सीसो । निक्खमइ उग्गहाओ, आवसिआए भणेऊणं ।।२५ ।।
ओणयदेहा अवराहखामणं सव्वमुच्चरेऊणं । निंदिअगरहिअवोसट्ठसव्वदोसो पडिक्कंतो ।।२६।।
