________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सपरिग्गहो पव्वइओ य गोयमा ! सो राया परचक्का हिवईवि, एत्थंतरंमि पहयसुस्सरगंभीर गहीरदुंदुभिनिग्घोसपुव्वेणं समुग्घुट्ठ | चउव्विदेवनिकाएणं, तंजहा कम्मट्ठगंठिमुसुमूरण, जय परमेट्ठिमहायस। जय जय जयाहि चारित्तदंसणणाणसमण्णिय ! ॥ २० ॥ सच्चिय जणणी जगे एक्का, वंदणीया खणे २। जीसे मंदरगिरिगरुओ, उयरे वुच्छो तुमं महामुणि ॥२१॥ त्ति भणिऊणं विमुंचमाणे सुरभिकुसुमवुद्धिं भत्तिभर निम्भरे विरइयकरकमलंजलीउत्ति निवडिए ससुरीसरे देवसंघे गोयमा ! कुमारस्स णं चलणारविंदे, | पणच्चियाओ देवसुंदरीओ, पुणो पुणो भिसं थुणिय णमंसिय चिरं पज्जुवासिऊणं सत्याणेसु गए देवनिवहे । २ । से भयवं ! कह पुण एरिसे सुलभबोही जाए महायसे सुगहियणामधेज्जे से णं कुमारमहरिसी ?, गोयमा! तेणं समणभावट्ठिएणं अन्नजम्मंमि वायादंडे | पउत्ते अहेसि तंनिमित्तेणं जावज्जीवं मूणव्वए गुरूवएसेणं साधारिए, अन्नंच तिन्नि महापावद्वाणे संजयाणं तंजहा आउ ते मेहुणे, | एते य सव्वोवाएहिं परिवज्जिए, तेणं तु से एरिसे सुलभबोही जाए, अहन्नया णं गोयमा ! बहुसी सगणपरिगए से णं कुमारमहरिसी | पत्थिए सम्मेयसेल सिहरे देहच्चायनिमित्तेणं, कालक्रमेणं तीए चेव वत्तणीए (गए) जत्थ णं से रायकुलबा लियाणरिदे चक्खुकुसीले, जाणावियं च रायउले, आगओ य वंदणवतियाए सो इत्थीनरिंदो उज्जाणवरंमि, कुमारमहरिसिणो पणामपुव्वं च उवविट्ठो सपरिकरो। जहोइए भूमिभागे, मुणिणावि पबंधेणं कया देसणा, तं च सोऊणं धम्मकहावसाणे उवडिओ सपरिवग्गो णीसंगत्ताए, पव्वइओ गोयमा ! सो इत्थीनरिंदो, एवं च अच्वंतघोरवीरुग्गकट्टदुक्कर तव संजमाणुट्ठाण किरियाभिरयाणं सव्वेसिंपि अपडिकम्मसरीराणं ॥ श्री महानिशीथसूत्रं ॥
२११
पू. सागरजी म. संशोधित
For Private And Personal Use Only
