________________
Shri Mahavir Jain Aradhana Kendra
www.kobatirth.org
|| रायहाणी तेणेव उवागच्छंति ता विणीअं रायहाणिं अणुष्पयाहिणीकरे माणा जेणेव अभिसेअमंडवे जेणेव भरहे राया तेणेव उवागच्छंति त्ता तं महत्थं महग्धं महरिहं महारायाभिसेअं वट्टवेंति, तए णं तं भरहं रायाणं बत्तीसं रायसहस्सा सोभणंसि तिहिकरणदिवसणक्खत्तमुहुत्तंसि उत्तरपोट्टवयाविजयंसि तेहिं साभाविएहि य उत्तरवेउव्विएहि य वरकमलपइट्ठाणेहिं सुरभिवरवारिपडिपुण्णेहिं जाव महया २ रायाभिसेएणं अभिसिंचंति, अभिसेओ जहा विजयस्स, अभिसिंचित्ता पत्तेयं २ जाव अंजलिं कट्टु ताहिं इट्ठाहिं जहा पविसंतस्स भणिआ जाव विहराहित्तिकट्टु जयजयसद्दं परंजंति, तए णं तं भरहं रायाणं सेणावइरयणे जाव पुरोहियरयणे तिण्णि य सट्टा सूअसया अट्ठारस सेणिष्पसेणीओ अण्णे य बहवे जाव सत्थवाहय्यभिइओ एवं चेव अभिसिंचंति तेहिं वरकमलपइट्ठाणेहिं तहेव जाव अभिमंति य सोलस देवसाहस्सी एवं चेव णवरं पम्हसुकुमालाए जाव मउडं पिणद्धेति, तयाणंतरं च णं दद्दरमलयसुगंधगंधिएहिं गंधेहिं गायाहिं अब्भुक्खेति दिव्वं च समुणोदामं पिणद्धेति किं बहुणा ?, गंठिमवेढिम जाव विभूसियं करेंति, तए णं से भरहे राया महया २ राया भिसेएणं अभिसिंचिए समाणे कोडुंबिअपुरिसे सद्दावेइ त्ता एवं वयासी खिप्पामेव भो देवाणुष्पिआ ! हत्थिखंधवरगया विणीयाए रायहाणीए सिंघाडगतिगचउक्कचच्चरजावमहापह पहेसु महया २ सद्देणं उग्घोसेमाणा २ उस्सुकं उक्कर उक्किट्ठ अदिज्जं अभिज्जं अभडप्पवेसं अदंडकुदंडिम सुपरजणंजाणवयं जाव दुवालससंवच्छरिअं पमोअं घोसेह त्ता ममेअमाणत्तिअं पच्चष्पिणहत्ति, तए णं ते कोडुंबिअपुरिसा भर हेणं रण्णा एवं वृत्ता समाणा हट्टतुट्ठचित्तमाणंदिआ पीड़मणा हरिसवसविसप्पमाणहियया विणएणं वयणं पडिसुणेति ता खिप्पामेव ॥ श्री जंबूद्वीप प्रज्ञप्ति सूत्रं ॥ पू. सागरजी म. संशोधित
८६
Acharya Shri Kailassagarsuri Gyanmandir
For Private And Personal Use Only
