________________
Shri Mahavir Jain Aradhana Kendra
www.kobatirth.org
|सद्धिं संपरिवुडे धवलमहामेहणिग्गए इव जाव ससिव्व पियदंसणे णरवई धूवपुष्पगंधमल्लहत्थगए मज्जणघराओ पडिणिक्खमड़ ता | जेणेव आउहघरसाला जेणामेव चक्करयणे तेणामेव पहारेत्थ गमणाए, नए णं तस्स भरहस्स रण्णो वहवे ईसर जावपभिइओ अप्पेगइआ पउम्हहत्थगया अप्पे० उप्पलहत्थगया जाव अप्पेगइआ सयसहस्सपत्तहत्थगया भरहं रायाणं पिट्टओ अणुगच्छति, तए णं तस्स भरहस्स रण्णो बहूईओ खुजा चिलाइ वामणि वडभीओ बब्बरी बउसिआओ। जोणिअ पल्हविआओ ईसिणिअ थारुकिणिआओ ॥९ ॥ लासिअ लउसिअ दमिली सिंहलि तह आरबी पुलिंदी यो पक्कणि बहुलिं मुरूंडी सबरीओ पारसीओ य ॥ १० ॥ अप्पेगइयाओ चंदणकलसहत्थगयाओ चंगेरीपुण्फ पडलहत्थगयाओ भिंगार आदंसथालपातिसुपट्टगवायकर गरयणकरंडपुष्पचंगेरी मल्लवण्णचुण्णगंधहत्थगयाओ वत्थआभरणलो महत्थय चंगेरीपुष्प पडलहत्थगयाओ जाव लोमहत्थहत्थगयाओ अप्पेगइ आओ सीहासणहत्थगयाओ छत्तचामरहत्थगयाओ तिल्लसमुग्गयहत्थगयाओ तेल्ले कोट्ठसमुग्गे पत्ते चोए य तगरमेला यो हरिआले हिंगुलए मणोसिला सासवसमुग्गे ॥ ११ ॥ अप्पेगइआओ तालिअंटहत्थगयाओ अप्पे० धूवक डुच्छु अहत्थगयाओ भरहं रायाणं पिट्टओ अणुगच्छंति, तए णं से भरहे राया सचिड्ढीए सव्वजुईए सव्वबलेणं सव्वसमुदयेणं सव्वायरेणं सव्वविभूसाए सव्वविभूईए सव्ववत्थपुप्फगंधमल्लालंकारविभूसाए सव्वतुडियसद्दसण्णिणाएणं महया इड्डीए जाव महया वरतुडियजमगसमगपवाइएणं संखपणवपडह भेरिझल्लरिखरमुहिमुरजमुइंगदुंदुहिनिग्घोसणाइएणं जेणेव आउहघरसाला तेणेव उवागच्छइ ना आलोए चक्करयणस्स पणामं करेइ त्ता जेणेव चक्करयणे तेणेव उवागच्छइत्ता
॥ श्री जंबूद्वीप प्रज्ञप्ति सूत्रं ॥
पू. सागरजी म. संशोधित
४५
Acharya Shri Kailassagarsuri Gyanmandir
For Private And Personal Use Only
