________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
कूडा कणगामया सेसा छप्पि रयणामया, दोण्हं विसरिसणामया देवा कयमालए चेवणमालए चेव, सेसाणं छण्हं सरिसणामया|| जण्णाम्या य कूडा तन्नामा खलु हवंति ते देवा। पलिओवमट्टिईया हवंति पत्तेअपत्तेयं ॥ ३॥ रायहाणीओ जंबुदीव दीवे० बारस जोअणसहस्साई ओगाहित्ता एत्थ णं रायहाणीओ भाणिअव्वओ विजयरायहाणीसरिसियाओ ॥१४॥ सेकेणटेणं भंते! एवं वुच्चइ वेअड्डे पव्वए २?, गो०! वेअड्डे णं पव्वए भरहं वासं दुहा विभयहाणे २ चिट्टइ, तं०-दाहिणड्डभरहं च उत्तरढभरहं च, वेअडगिरिकुमारे अ इत्थ देवे महिड्डीए जाव पलिओवभट्ठिइए परिवसइ, से तेणटेणं गो०! एवं वुच्चइ वेअड्डे पव्वए २, अदुत्तरं च णं गो०! वेयड्डस्स पव्वयस्स सासए णामधेजे पं० जंण कयाइ "आसी ण कयाइ ण भवइ ण कयाइ ण भविस्सइ भुविं च भवइ अ भविस्सइ अधुवे णिअए सासए अक्खए अव्वए अवट्ठिए णिच्चे ॥ १५॥ कहिं णं भंते! जंबुद्दीवे उत्तरड्डभरहे णामं वासे पं०?, गो०! चुलहिमवंतस्स वासहरपव्व्यस्स दाहिणेणं वेअड्डस्स पव्वयस्स उत्तेरणं पुरिच्छमलवणसमुहस्स पच्चच्छिमेणं पच्चच्छिमलवणसमुदस्स पुरच्छिमेणं एत्थणंजंबुद्दीवे उत्तड्डभरहे णामवासे पं० पाईणपडीणायए उदीणदाहिणविच्छिण्णे पलिअंकसंठिए दुहालवणसमुदं पुढे पुरच्छिमिल्लाए कोडीए पुरच्छिभिल्लं लवणसमुदं पुढे पच्चच्छिभिल्लाए जाव पुढे गंगासिंधूहि महाणईहिं तिभागपविभत्ते दोणि अद्वतीसे जोअणसए तिण्णि अएगणवीसहभागे जोअणस्सविक्खंभेणं, तस्स बाहा पुरच्छिमपच्चच्छिमेणं अद्वारसबाणउए जोअणसाए सत्त य एगूणवीसहभागे जोअस्स अद्भभागं च आयमेणं, तस्स जीवा उत्तरेणं पाइणपडीमायया दुहा लवणसमुदं पुट्ठा तहेव जाव चोइस जोअणसहस्साई | ॥श्री जंबूद्वीप प्रज्ञप्ति सूत्र
पू. सागरजी म. संशोधित
For Private And Personal Use Only
