________________
Shri Mahavir Jain Aradhana Kendra
www. kcbatirth.org
Acharya Shri Kailassagarsuri Gyanmandir
चेव, महाविदेहं गंभंते! वासे मणुआणं केरिसए आयारभावपडोआरे पं०?, गो०! तेसिंणं मणुआणं छबिहे संघयणे छबिहे संगण पञ्चधणुसयाई उद्धंउच्चत्तेणं जह० अंतोमुहुतं० उको० पुव्वकोडीआउअंपालेति त्ता अप्पेगइआ णिस्यगामी जाव अप्पेगइआ सिझंति जाव अंतं करेंति, से केणटेणं भंते! एवं वुच्चइमहाविदेहे वासे२?, गो०! महाविदेहे णं वासे भरहेरवयहेमवयहेरण्णवयहरिवासरम्भगवासेहितो आयामविक्खंभसंठाणपरिणाहेणं विच्छिण्णतराए चेव महंततराए चेव सुप्पमाणतराए चेव महाविदेहा य इत्थ मणूसा परिवसंति, महाविदेहे य इत्थ देवे महिद्धीए जाव पलिओवमट्टिइए परिवसइ, से तेण?णं गो०! एवं वुच्चइ महाविदेहे वासे २, अदुत्तरं च णं गो०! महाविदेहस्स वासस्स सासते णामधेजे पं० जण कयाई णासी० ॥८६॥ कहिं णं भंते! महाविदेहे वासे गन्धमायणेणामं वक्खारपव्वए पं०?, गो०! णीलवन्तस्सवासहरपव्वयस्सदाहिणेणं मंदरस्स पव्वयस्स उत्तरपच्चत्थिमेणं गंधिलावइस्स/ विजयस्स पुरच्छिमेणं उत्तरकुराए पच्चत्थिमेणं एत्थ् णं महाविदेहे वासे गन्धमायणे णामं वक्खारपव्वए पं० उत्तरदाहिणायए पाइणपडीणाविच्छिण्णे तीसं जोयणसहस्साई दुण्णि य णउत्तरे जोयणसए छच्च ५ एगूणवीसइभाए जोयणस्स आयामेणं| णीलवंतवासहरपव्वयंतेणं चत्तारि जोयणसयाई उद्धंउच्चतेणं चत्तारि गाउसयाई उव्वेहण पञ्च जोअणसयाई विक्खम्भेणं तयणंतरं च णमायाए २ उस्सेहव्वेहपरिवद्धीए परिवद्धमाणे २ विक्खंभपरिहाणीए परिहायमाणे २ मंदरपव्वयंतेणं पञ्च जोयणसयाई उद्धंउच्चत्तेणं पञ्च गाउअस्थाई उव्वेहेणं अंगुलस्स असंखिजइभागं विक्खंभेणं पं० गयदंतसंठाणसंठिए सव्वरयणाभए अच्छे० उभओ पासिंदोहिं | ॥श्री जंबूद्वीप प्रज्ञप्ति सूत्र॥
पू. सागरजी म. संशोधित
For Private And Personal Use Only
