________________
Shri Mahavir Jain Aradhana Kendra
www.kobatirth.org
Acharya Shri Kailassagarsur Gyanmandir
सूलभिण्णका खारवत्तिया वझवत्तिया सीहपुच्छियया दवग्गिदड्ढियगा पंकोसण्णका पंकेखुत्तका वलयमयका वसट्टमयका णियाणमयका अंतोसल्लमयका गिरिपडिअका तरुपडियका मरुपडियगा गिरिपक्वंदोलिया तरुपक्खंदोलिया मरुपक्खंदोलिया जलपवेसिका जलणपवेसिका विसभक्खितका सत्थोवाडितका वेहाणसिआ गिद्धपिट्ठका कंतारमतका दुभिक्खमतका असंकिलिट्ठपरिणामा ते कालमासे कालं णिच्चा अण्णरेसु वाणमंतरेसु देवलोएसु देवत्ताए उववत्तारो भवंति, तहिंतेसिं गती तहिं तेसिं ठिती तहिंतेसिं उववाए पं०, तेसिं णं भंते! देवाणं केवइअं कालं ठिती पं०?, गोअमा! बारसवाससहस्साई ठिती पं०, अस्थि णं भंते! तेसिं देवाणं इड्ढीइ वा जुईइ वा जसेति वा बलेति वा वीरिएइ वा पुरिसकारपरिकमेइ वा?, हंता अस्थि, ते णं भंते! देवा परलोगस्साराहगा?,णोतिणट्टे०६,सेजे इमेगामागरणयरणिगभरायहाणिखेडकब्बडमडंबदोणमुहपट्टणासमसंबाहसंनिवेसेसुमणुआ भवंति तं०-पगइभद्दगा पगइउवसंता पगइपतणुकोहमाणमायालोहा मिउमद्दवसंपण्णा अल्लीणा भहगा विणीआ अम्मापिउसुस्सूसका अम्मापिऊणं अणतिकमाणिजवयणा अप्पिच्छा अप्पारंभा अप्पपरिग्गहा अपेणं आरंभेणं अपेणं समारंभेणं अपेणं आरंभसमारंभेणं वित्तिं कप्पेमाा बहूई वासाई आउअंपालेति त्ता कालमासे कालं किच्चा अण्णतरेसु वाणमंतरेसु देवलोएसु देवत्ताए उववत्तारो भवंति, तहिं तेसिं गती तहिंतेसिं ठिती तहिं तेसिं उववाए पं०, तेसिं णं भंते! देवाणं केवइअंकालं ठिती पं०?, गोयमा ! चउद्दसवाससहस्साइं७, से जाओ इमाओ गामागरणयरणिगभरायहाणिखेडकब्बडमडंबदोणमुहपट्टणासमसंबाहसंनिवेसेसु इत्थियाओ ॥ औपपातिकमुपांग ॥
| ४४
पू. सागरजी म. संशोधित
For Private and Personal Use Only
