________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
|पासइ १५१।तए णं सा रेवई गाहावइणी अन्नया कयाई भत्ता जाव उत्तरिज्जयं विकड्ढेमाणी २ जेणेव महासयए समणोवासए तेणेव उवागच्छइ त्ता महासययं तहेव भणइ जाव दोच्चंपि तच्चपि एवं ३० -हंभो तहेव, तए णं से महासया समणोवासए रेवईए गाहावइणीए दोच्चपि तच्चपि एवं वुत्ते समाणे आसुरूत्ते० ओहिं पउञ्जइ त्ता ओहिणा आभोएइ त्ता रेवई गाहावइणिं एवं व०-हंभो रेवई! अपत्थियपत्थिए० एवं खलुं तुम अन्तो सत्तरत्तस्स अलसएणं वाहिणा अभिभूया समाणी अदुहवसट्टा असमाहिपत्ता कालमासे कालं किच्चा अहे इमीसे रयणप्यभाए पुढवीए लोलुयच्चुए नरए चउरासीइवाससहस्सटिइएसु नेरइएसु नेरइयत्ताए उववजिहिसि, तए णंसा रेवई गाहावइणी महासयएणं समणोवासएणं एवं वुत्ता सभाणी एवं व०- रूद्वेणं ममं महासया समणोवासए हीणे णं मम महासयए समणो० अवझाया णं अहं महासयएणं समणोवासएणं न नजइ णं अहं केणवि कुमारणं मारिजिस्सामित्तिकटु भीया तत्था तसिया उब्विग्गा सायभया सणियं २ पच्चोसाइ त्ता जेणेव सए गिहे तेणेव उवागच्छइ त्ता ओहय जाव झियाइ, तए णं सा रिवई गाहावइणी अन्तो सत्तरत्तस्स अलसएणं वाहिणा अभिभूया अट्टदुहवसट्टा कालमासे कालं किच्चा इमीसे रयणप्पभाए पुढवीए लोलुयच्चुए नरए चउरासीइवाससहस्सटिइएसु नेरइएसु नेरइयत्ताए उववन्ना १५२॥ तेणं कालेणं० समणे भगवं महावीरे सभोसरणं जाव परिसा पडिगया, गोयमाइ! समणे भगवं महावीरे० एवं व०- एबुंखलु गोयमा! इहेवरायगिहे नयरे ममं अन्तेवासी महासयए नाम समणोवासए पोसहसालाए अपच्छिममारणन्तियसलेहाझूसणाझूसियसरीरे भत्तयाणपडियाइक्खिए कालं अणवकङ्खमाणे विहरइ, ॥उपासकदशांग सूत्र॥
पू. सागरजी म. संशोधित
For Private And Personal
