________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सिङ्गरियाई इत्थिभावाई उवदंसेमाणी २ महासययं समणोवासयं एवं व०- हंभो महासयया! समणोवासया धमकामया पुण्णकामया सांगकामया भोक्खकामया धमकलिया० धम्मपिवासिया० किण्णं तुब्भं देवाणुप्पिया! धम्मेण वा पुण्णेण वा सग्गेण वा मोक्खेण वा जण्णं तुभं भए सद्धिं उरालाई जाव भुञ्जमाणे नो विहरसि?, तए णं से महासयए समणोवासए रेवईए गाहावइणीए एयमटुं नो/ आढाइ नो परियाणाइ अणादायमाणे अपरियाणमाणे तुसिणीए धमझाणोवगए विहरइ, तए णं सा रेवई गाहावइणी महासययं समणोवासयं दोच्चंपि तच्चपि एवं व०-हंभो तं चेव भणइ सोवि तहेव जाव अणाढायमाणे अपरियाणमाणे विहरइ, तए णं सा रेवई गाहवइणी महासयएणं समणोवासएणं अणाढाइजमाणी अपरियाणिजमाणी जामेव दिसं पाउब्भूया तामेव दिसं पडिगया १५० तए णं से महासयए समणोवासए पढमं उवासगपडि उवसम्पन्जिताणं विहरइ, पढमं० अहासुत्तं जाव एक्कारसवि, तए णं से महासयए सभणोवासए तेणं उरालेणंजाव किसे धमणिसन्तए जाए, तए णं तस्स, महासययस्ससमणोवासयस्सअन्नया क्याई पुव्वरत्तावरत्तकाले धम्मजागरियं जागरमाणस्स अयं अझथिए० एवं खलु अहं इभेणं उरालेणंजहा आणन्दो तहेव अपच्छिमभारणन्तिसंलेहणाझूसियसरीरे भत्तपाणपडियाइक्खिए कालं अणवकङ्खमाणे विहरइ, तए णं तस्स महासयगस्स समणोवासगस्स सुभेणं अझवसाणेणं जाव खओवसमेणं ओहिणाणे समुप्पन्ने पुरस्थिभेणं लवणसमुद्दे जोयणसाहस्सियं खेत्तं जाणइ पासइ, एवं दक्खिणेणं पच्चस्थिमेणं उत्तरेणं जाव चुल्लहिमवन्तं वासहरपव्वयं जाणइ पासइ अहे इमीसे रयणप्यभाए पुढवीए लोलुयच्चुयं नरयं चउरासीइवाससहस्सद्विइयं जाणइ ॥ उपासकदशांगं सूत्र॥
| पू. सागरजी म. संशोधित
For Private And Personal
