________________
Shri Mahavir Jain Aradhana Kendra
www.kobatirth.org.
Acharya Shri Kailashsagarsuri Gyanmandir
| समोसढे तं गच्छाहि णं तुमं समणं भगवं महावीरं वन्दाहि जाव पज्जुवासाहि समणस्स भगवओ महावीरस्स अन्तिए पञ्चाणुव्वइयं सत्तसिक्खावइयं दुवालसविहं गिहिधम्मं पडिवज्जाहि, तए णं सा अग्गिमित्ता भारिया सद्दालपुत्तस्स समणोवासगस्स तहत्ति एयमठ्ठे विणएणं पडिसुणेइ, तए णं से सद्दालपुत्ते समणोवासए कोडुंबियपुरिसे सहावेइ ता एवं व०- खिप्पामेव भो देवाणुप्पिया! लहुकरणजुत्तजोइयं समखुरखालिहाणसमलिहि यसिङ्गएहिं जम्बूणयामयकलावजोत्तपइविसिद्वएहिं रययामयघण्टसुत्तरज्जुगवरकंचणखइयनत्थापग्गहोग्गहियएहिं नीलुप्पलकयामेलएहिं पवरगोणजुवाणएहिं नाणामणिकणगघण्टियाजालपरिगयं सुजायजुगजुत्तउज्जुगपसत्थसुविरइयनिम्मियं पवरलक्खणोववेयं जुत्तामेव धम्मियं जाणण्पवरं उवद्ववेह ता मम एयमाणत्तियं पच्चष्पिणह, तए णं ते | कोडुंबियपुरिसा जाव पच्चष्पिणन्ति, तए णं सा अग्गिमित्ता भारिया व्हाया जाव पायच्छिता सुद्धप्पवेसाई जाव अप्पमहग्घा - भरणालङ्कियसरीरा चेडियाचकवालपरिकिण्णा धम्मियं जाणण्पवरं दुरुहइ ता पोलासपुरं नगरं मज्झंझेणं निग्गच्छइ त्ता जेणेव सहस्सम्बवणे उज्जाणे धम्मियाओ जाणाओ पच्चोरूहड़ ता जेणेव समणे० तेणेव उवागच्छइ त्ता चेडियाचक्कवालपरिवुड। जेणेव समणे भगवं महावीरे तेणेव उवागच्छड़ ता तिक्खुत्तो जाव वन्दइ नमसइ त्ता नच्चासन्ने नाइदूरे जाव पञ्जलिउड। ठिझ्या चेव पज्जुवासइ, तए णं समणे भगवं महावीरे अग्गिमित्ताए तीसे य जाव धम्मं कहेइ, तए णं सा अग्गिमित्ता भारिया समणस्स भगवओ महावीरस्स अन्तिए धम्मं सोच्चा निसम्म हट्टतुट्ठा समणं भगवं महावीरं वन्दइ नमसइ ता एवं व०- सद्दहामि णं भन्ते! निग्गन्थं पावयणं जाव से
॥ उपासक दशांगं सूत्रं ॥
पू. सागरजी म. संशोधित
३७
For Private And Personal
