________________
Shri Mahavir Jain Aradhana Kendra
www.kobatirth.org.
Acharya Shri Kailashsagarsuri Gyanmandir
| चणं चउव्विहं अणद्वादण्डं पच्चक्खाइ तं०-अवज्झाणायरियं पमायायरियं हिंसम्प्पयाणं पावकम्भोवएसं । ६ । इह खलु आणन्दाइ ! | समणे भगवं महावीरे आणन्दं समणोवासगं एवं व्यासी एवं खलु आणन्दा ! समणोवासएणं अभिगयजीवाजीवेणं जाव अणइक्कमणिजेणं |सम्मत्तस्स पञ्च अइयारा पेयाला जाणियव्वा न समायरियव्वा तं०-सङ्काकङ्घा विइगिच्छा परपासण्डपसंसा परपासण्डसंथवे, तयाणन्तरं च णं थूलगस्स पाणाइवायवेरमणस्स समणोवासएणं पञ्च अइयारा पेयाला जाणियव्वा न समायरियव्वा तं०-बन्धे वहे छविच्छेए अइभारे भत्तपाणवोच्छेए, तयाणन्तरं च णं थूलगस्स मुसावायवेरमणस्स पञ्च अइयारा जाणियव्वा न समायरियव्वा तं०सहसाअब्भक्खाणे रहसा अब्भक्खाणे सदारमन्तभेए मोसोवएसे कूडलेहकरणे (कन्नालियं गवालियं भूमालियं नासावहारे कूडसक्खिजं संधिकरणे पा० ), तयाणन्तरं च णं थूलगस्स अदिण्णादाणवेरमणस्स पञ्च अइयारा जाणियव्वा न समायरियव्वा तं०- तेणाहडे तक्करम्पओगे विरुद्धरज्जाइक्कमे कूडतुलकुडमाणे तिप्पडिरूवगववहारे, तयाणन्तरं च णं सदारसन्तोसीए पञ्च अइयारा जाणियव्वा न | समायरियव्वा तं० - इत्तरियपरिग्गहियागमणे अपरिग्गहियागमणे अण्ङ-गकिड्डा पर विवाहकरणे कामभोगतिव्वाभिलासे, तयाणन्तरं चणं इच्छा परिमाणस्स समणोवासएणं पञ्च अइयारा जाणियव्वा न समायरियव्वा तं०-खेत्तवत्थुपमाणाइकमे हिरण्णसुवण्णपमाणाइकमे दुपयचउप्पयपमाणाइक्कमे धणधन्नपमाणाइक्कमे कुवियपमाणाइक्कमे तयाणन्तरं च णं दिसिवयस्स पञ्च अइयांरा जाणियव्वा न समायरियव्वा तं०- उड्डदिसिपमाणाइक्कमे अहोदिसिपमाणाइक्कमे तिरियदिसिपमाणाइकमे खेत्तवुड्ढी सइअन्तरद्धा, त्याणन्तरं च णं
॥ उपासक दशांगं सूत्रं ॥
पू. सागरजी म. संशोधित
६
For Private And Personal
