________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| चरिमं कम्मं वेदेमाणस्स चरिमं कम्मं निज्जरेमाणस्स चरिमं मारं मरमाणस्स चरिमं सरीरं विप्पजहमाणस्स मारणंतियं कम्मं वेदेमाणस्स | मारणंतियं कम्मं निज्जरेमाणस्स मारणंतियं मारं मरमाणस्स मारणंतियं सरीरं विष्पजहमाणस्स जे चरिमा निज्जरापोग्गला सुहुमा णं ते पोग्गला पं० समणाउसो !, सव्वं लोगंपिणं ते ओगाहित्ताणं चिठ्ठति?, हंता मागंदियपुत्ता! अणगारस्स णं भावियप्पणो जाव ओगाहित्ताणं विद्वंति, छउमत्थे णं भंते! मणुस्से तेसिं निज्जरापोग्गलाणं किंचि आणत्तं वा णाणत्तं वा एवं जहा इंदियउद्देसए पढमे जाव वेमाणिया जाव तत्थ णं जे ते उवउत्ता ते जाणंति पासंति आहारेंति, से तेणट्टेणं निक्खेवो भाणियव्वो । ६२० । कतिविहे णं भंते! बंधे पं०?, मागंदियपुत्ता! दुविहे बंधे पं० तं० - दव्वबंधे य भावबंधे य, दव्वबंधे णं भंते! कतिविहे पं०?, मागंदियपुत्ता ! दुविहे पं० तं०-पओगबंधे य वीसाबंधे य, वीससाबंधे णं भंते! कतिविहे पं०?, मागंदियपुत्ता ! दुविहे पं० तं० - साइयवीससाबंधे य अणादीयवीससाबंधे य, पयोगबंधे णं भंते! कतिविहे पं०, मागंदियपुत्ता ! दुविहे पं० नं० - सिढिलबंधणबन्धे य धणियबंधणबन्धे य, भावबंधे णं भंते! कतिविहे पं०?, मागंदियपुत्ता! दुविहे पं० तं०-मूलपगडिबंधे य उत्तरपगडिबंधे य, नेरइयाणं भंते! कतिविहे भावबंधे पं०?, मागंदियपुत्ता! दुविहे पं० तं०- मूलपगडिबंधे य उत्तरपगडिबंधे य, एवं जाव वेमाणियाणं, नाणावरणिज्जस्स णं भंते! कम्मस्स कतिविहे भावबंधे पं०?, मागंदिया ! दुविहे भावबंधे पं० तं० - मूलपगडिबंधे य उत्तरपयडिबंधे य, नेरतियाणं भंते! नाणावरणिजस्स कम्मस्स कतिविहे भावबंधे पं०?, मागंदियपुत्ता ! दुविहे भावबंधे पं० तं०- मूलपयडिबंधे य उत्तरपयडि० एवं जाव वेमाणियाणं, जहा नाणावरणिजेणं पू. सागरजी म. संशोधित
॥ श्रीभगवती सूत्रं ॥
२२
For Private And Personal
