________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मलधारिश्रीहेमचन्द्रसूरिविरचित्ता (८) विप्परिणओ निवो तो, जंपइ सच्चं ति कह पुणो एए ।
वीसज्जिज्जति तओ, पुरोहिओ भणइ सव्वत्य ।।८२॥ (९) कीरइ अणेसणाउ, निवेण दिन्नो इमस्स आएसो।
आहाकम्माइ जणाउ दावए सो बहु फलं ति ॥८३॥
(१०) कहियं साहहिं गरूण, ते वि नाऊण निवइणो चित्तं ।
जंति अपज्जोसविए, चेव पइट्ठाणनयरम्मि ॥४४॥ (११) जाणावियं च सूरीहि, तत्थ नो जाव आगया अम्हे ।
ताव न पज्जोसवियव्वमेव तत्य य पर[म] सड्ढो ॥४५॥ (१२) निवसालवाहणो अत्यि, सो वि नाऊण कालगायरिए ।
आगच्छंते संघेण संजुओ अभिमुहो जाइ ॥८६॥ विच्छड्डेण पविठ्ठा, नयरे . . . . . . . ।
पज्जोसवणासमओ तत्य य मरहट्ठदेसम्मि ॥८॥ (१४) भद्दषयसुद्धपंचमिदिणम्मि इंदस्स जायए जत्ता ।
ता सूरिणो निवेणं, विनत्ता जह इमं भय ! ॥८८॥ पज्जोसवणादिवसे, अणुगंतव्यो जणाणुवत्तीए ।
इंदो तेणं अम्हे, चेइयण्हवणाइयं काउं ॥८९॥ (१६) न पहुप्पामो तत्तो, पज्जोसवणं करेह छट्ठीए ।
सूरि वि आह पंचमिरयणीमेयं नइक्कमइ ॥९०॥ जओ भणियमागमे
जहाणं भगवं तहाणं गणहरा वि । जहा णं गणहरा तहा णं गणहरसीसा वि । जहा णं गणहरसीसा तहाण अम्ह गुरूणो वि । जहा णं अम्ह गुरुणो तहाणं अम्हे वि वासावासं पज्जोसवेमो । नो ते पंचमिरयणि भइक्कमिज्जा । (१७) तो भणियं नरवडणा, जइ एवं [होइ ?] तो चउत्थीए ।
हवउ त्ति आह सूरी, एवं होउ ति नो दोसो ॥११॥ जओ भणियमागमे
आरेणा वि पज्जोसवेयवमिति । (१८) तो हिदो भणइ निवो, महापसाओ ममं कओ जेणं ।
मम देवीणं पव्योववासपारणयदिवसम्मि ॥१२॥ (१९) होही मुणीण उत्तरपारणयं तो निवो गिहे गंतुं ।
देवीओ भणइ जहा, तुम्हाणममावसापव्वे ॥१३॥ (२०) होही उववासो तस्स, पारणे हुन्ज साहुबग्गस्स ।
उत्तरपारणयं तो, दाणं दिजह महफलं ति ॥१४॥
For Private And Personal Use Only
