________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
निरयावलियासु पासे अरहा पुरिसादाणीए, तेणेव उवागए तिक्खुत्तो वन्दइ, नमंसइ, २ एवं वयासी-" एवं खलु, देवाणुप्पिया, भूया दारिया अम्हं एगा धूया इट्ठा । एस णं, देवाणुप्पिया, संसारभउव्विग्गा भीया [जाव ] देवाणुप्पियाण अन्तिए मुण्डा [ जाव ] पव्वयाइ । तं एयं णं, देवाणुप्पिया, सिस्सिणिभिक्खं दलयइ । पडिच्छन्तु णं देवाणुप्पिया, सिस्सिणिभिक्खं" । “अहासुहं, देवाणुप्पिया" ||
तए णं सा भूया दारिया पासेणं अरहया...एवं वुत्ता समाणी हट्ठा उत्तरपुरस्थिमं सयमेव आभरणमल्लालंकारं 10 उम्मुयइ, जहा देवाणन्दा, पुप्फचूलाणं अन्तिए [जाव ] गुत्तबम्भयारिणो ॥
तए णं सा भूया अज्जा अन्नया कयाइ सरीरपाओसिया जाया यावि होत्था.। अभिक्खणं २ हत्थे धोवइ,
पाए धोवइ, एवं सीसं धोवइ, मुहं धोवइ, थणगन्तराई 15 धोवइ, कक्खन्तराई धोवइ, गुज्झन्तराई धोवइ, जत्थ
जत्थ वि य णं ठाणं वा सेज्जं वा निसीहियं वा चेएइ, तत्थ तत्थ वि य णं पुवामेव पाणएणं अब्भुक्खेइ, तओ पच्छा ठाणं वा सेज्जं वा निसीहियं वा चेएइ ।।
तए ण ताओ पुप्फचूलाओ अज्जोओ भूयं अज्जं एवं 20 वयासी-" अम्हे णं, देवाणुप्पिए, समणीओ निग्गन्थीओ
इरियासमियाओ [जाव] गुत्तबम्भचारिणीओ। नो खलु कप्पइ अम्हं सरीरपाओसियाणं होत्तए । तुम च णं, देवाणुप्पिए, सरीरपाओसिया अभिक्खणं २ हत्थे धोवसि [जाव] निसीहियं चेएसि । तं णं तुमं, देवाणुप्पिए, एयस्स 25 ठाणस्स आलोएहि" त्ति । सेसं जहा सुभदाए, जाव
पाडिएक्कं उवस्सयं उवसंपज्जित्ताणं विहरई । तर णं सा
For Private and Personal Use Only
