Abhidhan Rajendra Kosh Part 02

SR No.: 016144
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1224
Language: Hindi
Classification: Dictionary

Page 784

उज्झियय 776 - अभिधानराजेन्द्रः - भाग 2 उज्झियय एयस्स दारगस्स आरसियसद्दे सोचा णिसम्म हत्थिणाउरे वहवे णयरे गोरूवाजाव भीया 4 सवओ समंता विप्पलाइत्ता तह्माणं / होउं अो दारए गोत्तासे णामे णामेणं तए णं से गोत्तासे दारए | उम्मुक्कबालभावे जाव जाएयावि होत्था।तएणं से भीमे कूडग्गाहे अण्णया कयाई कालधम्मुणा संजुत्ते तएणं से गोत्तासे दारए बहुणं मित्तणाई णियगसयणसबंधिपरिजणेणं सद्धिं संपरिबुडे रोयमाणे कंदमाणे वियवमाणे भीमस्स कूडग्गाहस्स णीहणं करेइ करेइत्ता बहुइलोइयमयकिचाइ करेइ करेइत्ता तएणं से सुणंदेराया गोत्तासं दारयं अण्णयाकयावि सयमेव कूडग्गाहेत्ताए ठवेहातएणं से गोत्तासे दारए कुडग्गाहे जाएयाविहोत्था। अहम्मिए जाव दुप्पडियाणंदे तएणं से गोत्ता से दारए कूडग्गाहे कल्लाकल्लिं अद्धरत्तकालसमयंसि एगे अबीए सण्णद्धबद्धकवए जाव गहिया उहपहरणे साओगिहाओ णिज्जइ जेणेव गोमंडवे तेणेव उवागच्छइ उवागच्छइत्ता बहु णं णयरमोरूवाणं सणाहा यजाव वियंगत्तेइ वियंगत्तेइत्ता जेणेव सए गिहे तेणेव उवागच्छद उवागच्छइत्ता तएणं से गोत्तासेपूडग्गाहे तेसिं बहुहिं गोमंसेहिं सोल्लेहिं सुरं च 6 आसाएमाणे 4 विहरइ तए णं से गोत्तासे कूडग्गाहे एयकम्मे एयपहाणे एयविज्जे एयसगमायारे सुबहुपावं कम्मं समजिणित्ता पंचवाससयाई परमाउं पालइत्ता अदृदुहटोवगए कालमासे कालं किचादोच्चाए पुढवीए उक्कोसं तिसागरो णेरइयत्ताए उववण्णे / तएणं सा विजयमित्तस्स सत्थवाहस्स सुभद्दा भारिया जाइ जिंदुया वि होत्था / जाया दारगाविणी हायमावज्जति तएणं से गोत्तासे कूडग्गाहे दोचाओ पुढवीओ अणंतरं उटवट्टित्ता इहेव वाणियग्गामे णयरे विजयमित्तस्स सत्थवाहस्स सुभद्दा भारिया कुञ्छिसि पुत्तत्ताए उववण्णे / तए णं सा सुभद्दा सत्थवाही अण्णया कयावि णवण्हं मासाणं बहुपडिपुण्णाणं दारयं पयाया। तएणं सा सुभद्दा सत्थवाही तं दारगं जायमेवयं चेव एगते उकुरुडियाए उज्झावेइ उज्झावेइत्त दोचं पि गिण्हावेइ गिण्हावेइत्ता आणुपुवेणं सा रक्खमाणी गोवेमाणी संवड्डेइ तओ णं तस्स दारगस्स अम्मापियरो एक्कारसमे दिवसे णिवत्ते संपत्ते बारसाहे अयमेवारूवे गोणं गुणणिप्पण्णं णामधेनं करेइ जरा णं अह्ये इमं दारए जायमेत्ताए चेव एगते उक्करुडियाए उज्झिए तह्याणं होउं अमंदारए उज्झियणामेणं तए णं से उज्झिए दारए पंचधाई परिग्गहिए तंजहा खीरधाई 1 मजणधाई 2 मंडणधाई 3 कीलामण अंकधाई 5 जहा दड्डपइण्णे जाव णिव्वाय णिव्वाधायगिरिकंदरमल्ली व चंपगपायवे सुहं सुहेणं विहरइ। तए णं से विजयमित्ते सत्थवाहं अण्णया गणिमं च धरिमं च मेजं च पारिच्छेजं च चउव्विहं मंडगं गहाय लवणसमुई पोयवहणेणं उवगए / तएणं से विजयमित्ते तत्थ लवणसमुद्दे पोत्ते विवत्तए णिबुडं भंडस्सारे अत्ताणे असरणे कालधम्मुणा संजुत्ते तएणं तं विजयसत्थ वाहं जे जहा बहवे ईसरतलवरकोडं बियइन्भसिट्ठिसत्थवाहा लवणसमुद्दो पोयविवत्तियं निवुड भंडसारं कालधम्मुणा संजुत्तं सुणे इ ते तहा हत्थणिक्खेवं च बाहिरभंडसारं च गहाइ एगं तं अवक्कमइ / तए णं सा सुभद्दा सत्थवाही विजयमित्तं सत्थवाहं लवणसमुद्दे पोएविवित्तिं णिव्वुडं कालधम्मुणा संजुत्तं सुणेइ सुणेइत्ता महया पइसोएणं आपण्णा ममाणीपरसुनियता विव चंपगलया धसइ धरणीतलंसि सव्वं गेहिं सण्णिपडिया तएणं सा सुभद्दा मुहुत्तंतरेणं आसत्था समाणी बहुहिं मित्त जाव परिवुडा रोयमाणी कंदमाणी विलवमाणी विजयमित्तं सत्थवाहं लोइयाई मयं किन्चाई करेइ करेइत्ता तएणं सा सुभद्दा अण्णया कयावि लवणसमुद्दोतरं चलच्छिविणासंच पोतविणासंच पतिमरणं च अणुचिंतेमाणी 2 कालधम्मुणा संजुत्ता / तएणं णायरगुत्तिया सुभदं सत्थवाहिं कालगयं जाणित्ता उज्झियगं दारगं सओ गिहाओ णिच्छुभंति उच्छुभंतित्ता तं गिहंअण्णस्स दलयंति / तएणं से उज्झियदारए सयाओ गिहाओ निच्छुढे समाणे वाणियग्गामे णयरे सिंघाड गजावपहेसुजूयखलएसु वेसियाघरएसु पाणागारेसु य सुहं सुहेणं परिवड्डइ / तएणं से उवज्झिए दारए अणोहट्टए अणिवारए सच्छंदमइसयरप्पयारे मज्जप्पसंगी चोरजूयवेसदारप्पसंगी जाएयावि होत्था। तए णं से उज्झिए अण्णया कामज्झियाए गणियाए सद्धिं संपलिग्गे जाएयावि होत्था कामज्झियाए गणियाए सद्धिं उरालाई माणुस्सगाई भोगभोगाई मुंजमाणे विहरइतएणं तस्स मित्तस्स रण्णो अण्णया कयावि सिरीए देवीए जोणीसूलपाउडभूए या वि होत्था। णो संचाएइ मित्ते राया सिरीए देवीए सद्धिं उरालाई माणुसगाई भोगभोगाई मुंजमाणे विहइ विहरित्तए तए णं से मित्ते राया अण्णया कयावि उज्झियए दारए कामज्झियाए गणियाए गिहाओ णिच्छुभावेइ णिच्छुभावेइत्ता कामज्झियं गणियं अमितरयं वेइ। कामज्झियाए गणियाए सद्धिं उरालाई जाव विहरइ तएणं से उज्झियदारए कामज्झियाए गणियाए गिहाओ णिच्छुभविसमाणे कामज्झियाए गणियाए मुच्छिए गिद्धे गढिए अज्झोववण्णे अण्णत्थ कत्थइ सुयं च रतिं च धितं च अबिंदमाणे तचित्ते तम्मण्णे तल्लेसे तदज्झवसाणे तदट्ठोवउत्ते तयप्पियकरणे तब्भावणाभाविए कामज्झियाए गणियाए बहूणि अंतराणि य छिद्दाणि य विवराणि य पडिजागरमाणे 2 विहरइ। तए णं से उज्झिए य दारए अण्णया कामज्झियं गणियं अंतरं