________________
उद्दामद्विरदद्विदन्तमुशली तस्यारुरुक्षोः सतो
निःश्रेणी प्रतिभाति चेतसि महावीरेषु चूडामणेः। तद्भर्वान्धलतानिराकृतिकृतेऽमुष्यार्द्धचन्द्राकृतिः पाणिः साणिसृणिः स्मराङ्कशमहाधारान्धका(रा) हरेः (?)
॥५०॥ केशैः केसरिणं विलग्य शशवद्वध्नाति दोष्मानसौ
धत्ते चित्रकरं चरित्रमरिघो ग्राह्ये पुनश्चित्रके । न क्षोभं भजते तरक्षुतरसा सिंहाः पशूनाममी
पुंसिंहेन समं समत्वकथयापि स्युर्वराको यतः॥५१॥ यदा यदोष्णत्विषि शीतलत्विषौ
धनुष्कैलामर्जुनगर्जतर्जनीम् । नन्वेतदीयां स्मरतस्तदा तदा
स्वमादरादावृणुतोऽभ्रवर्मणा ॥५२॥ रणाङ्गणे कोशबिलाद्विनिर्गतः .
श्रितस्तदीयं करचन्दनद्रुमम् । पतत्कृपाणः फणभृत्पिबत्यहो !
द्विषन्नृपप्राणसमीरवीचिकाः ॥५३॥ स्वर्गयात्रोन्मुखे ताते राज्यमेषोऽथ शिश्रिये । प्रभातचन्द्रे विरते यथा भानुर्नभस्तलम् ॥५४॥
१. मा. प्रतौ पार्श्वभागे "०रांधका हरेः' इति लिखितं कां. हं. मु. प्रतिषु "स्मराङ्कुशमहाधाक०" इति त्रुटित एव पाठः॥
२. दोष्णा० मु.। ३. धनुःकला० कां. हं. मां. ॥ ४.०गर्जनिर्जनीम् कां. हं. मु.॥ ५. ०वीचिकां हं. । ०वीचिका मु. ।
Jain Education International
For Private & Personal Use Only
www.jainelibrary.org
