Page Text
________________
१३. नमस्कारपरावर्तनफलाधिकारे सोमप्रभाख्यानकम् सुलहउ धणहीणह माणभंगु, निरु होइ पराभवतणउ संगु । न कलत्तु न मित्तु न निययसयण, उल्लवइ दलिद्दिउ एक्कु खणू । बच्चामि कहिवि ता दूरदेसि, अइपउरदविणआणणह रसि । इय चिंतिऊण नियसयणवग्गि, अकहिंतु वत्त संचलिउ मन्गि । ता जंतु जंतु पउमुत्तरम्मि, संपत्तु नयरि वणराइरम्मि ।। तो तहिं संपत्ति पहपरिसंति, दिट्टु एक्कु उज्झायवरु ।
सविणयनियछत्तहं, गुणसंजुत्तह, खन्नवायवक्वाणपरु ॥५॥ जहिं विल्ल-पलासह तरुवराह, पायउ जइ महिगउ होइ ताहं । अह खंजरीडसंजोउ होइ, ता तत्थ निरुत्तु निहाणु जोइ । जो पायउ रत्तइं रसिण जुत्त, सो रयणह निहि अक्खइ निरुत्तु । पीइं रसेण कंचणु विसिटु, धवलइ कलहोउ मुणिंदि सिटु । एमाइ सुणिवि गउ जंतु जंतु, जा एक्कु महागिरिकुहरु पत्तु । तहिं पायउ बिल्लह महिपविट् टु, महिं' चुंकिइ तहिं रसु रत्तु दिटु । हुँ होसह रयणनिहाणु एत्थु, दिसि जोइवि तो ति खणिउ तेत्थु । उवलधु समुग्गउ रयणजुत्तु, तं पेच्छिउ हरिसिउ तासु चित्तु ॥ तो गिहि हि हत्थि, छाइवि वत्थि, चलिउ जाव सो नियनयरह । ता पत्तउ चोरिहिं, पहरणघोरिहि, हुयउ घरह न बारह ॥६॥ उद्दालिंउ रयणनिहाणु तेहिं, गुरुहक्किहिं तं भेसंतएहिं । सो खित्तउ बंधिवि अंधकृवि, गयजीवियासु तहिं ठिउ विरूवि । तो दिवसि तइज्जइ कोइ सत्थु, आवासिउ लंघिवि पउरपंथु । तहिं नीरु निरिविखहिं जाव नरा, बोल्लाविय तो ति दीणगिरा । अहु पुरिसहु हउं तक्करिहिं घित्तु, बंधेविणु बंभणु एत्थु खेत्तु । ता कड्डहु मई महइए दयाए, जा मरउं न इह तन्हा-छुहाए । तो तेहि पपुच्छिउ सत्यवाहु, तेण वि कड्डाविउ दिउ अणाहु । पुच्छिय सव्वा वि हु तस्स वत्त, अक्खिय विप्पेण वि तहिं निरुत्त । सत्थाहिं कयवलु, वियरियसंबलु, पुणु पयट्ट देसंतरहं । अक्खंडपयाणिहिं, गरुयपमाणिहि, तलि संपत्तउ गिरिवरह ॥७॥ जम्मि रेहंति रम्माउ वणराइओ, सुद्धवंसालियाउ व्व सज्जाइओ । लोयणालि व्व संपुन्नसोहंजणा, पंडुसेण व्व दीसंतसज्जऽजुणा । कत्थ वी गेहपंति व्व बहुसालया, रासया जेम्व अन्नत्थ मुहतालया। पुन्ननारि व्व बिलसंतपुन्नागया, विंझभूमि व्व भासंतसन्नागया । रामसेण व्व वरनीलनलजुत्तया, कुडिलमहिल व्व उत्तरलतरचित्तया । वारविलय ब्व वरतिलयरेहंतया, समरभूमि व्व बाणावलीजुत्तया। विण्हुमुत्ति व्व विलसंतसिरिवच्छया, नोड्डजाइ व्व दीसंति उक्कच्छया ।
१. तहिं तुं किइ तहिं इत्यपि पाठो दृश्यते । १८
Jain Education Interational
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |