Page Text
________________
५४
आख्यानकमणिकोशे
एवं पयंपिणं सत्यदिवसम्मि नरवरिंदेण । चउरंगबलं दाऊण पेसिया जणयपासम्म || २४२ ॥ अखंडपणेहिं गच्छंती जणयसन्तियं नयरिं । संपत्ता भीमरहो विणिग्गको सम्मुहो तीए ॥ २४३॥ अइगरुयविभृईए पवेसिया नियपुरम्मि दवदंती | पणया य पुष्पदंतीपमुहाणं निययंजणणीणं ॥ २४४ ॥ पुट्टा नियचरियं रहमित्त मुद्देण साहियं सवं । अंतेउरमज्झगया बहुविकीला विणोएहिं ॥ २४५ ॥ |
वती तत्थ दिया मणयं संपन्नमणसमाहाणा । मणचितियपूरिज्जतवत्थुनियरा जणयभवणं ॥ २४६ ॥ ग्रन्थामम् २००० ॥ ] एत्तोय नलनरिंदो भमतो विडविसंकडं अडविं । जा गच्छ ता च्छ मसिकसिणं भीसणं भुयगं ||२४|| कीलाविण अक्खुहियमाणसो विसहरं बहुपयारं । पक्खिवइ पुरओ दिट्टि जाव तओ पेक्खए एक्कं ॥ २४८ ॥ केऊर-कडय-कुंडलविभूसियं जच्चकंचणच्छायं । तियसं नियर्कतिपहाए भासयंतं दिसावलयं ॥ २४९ ॥
पद देवो नलकुमर ! तुज्झ जणओ अहं निसढराया । जेण तुह रायलच्छि दाउं तव चरणमणुचिन्नं ॥ २५० ॥ मरिण समुप्पन्नो तियसो तियसालयम्मि दिव्वम्मि । तत्थ निविट्टेण मए दिट्टो तं रज्जपट्टो || १५१ ॥ हितो अडवीए गुरुनेहवसा समागओ एत्थ । तुह सत्तपरिक्वत्थं बिसहररूवं मए विहियं ॥ २५२ ॥ नियदेहखणक इहि बहुवइरिओ तुमं जम्हा । ता गिरह मह सयासा रूवपरावत्तिणि गुडियं || २५३ ।। एवं ति मन्निगं गहिया गुडिया नलेण देवो वि । सट्टाणं संपत्ती हिंडता नलधरिंदों वि ॥ २५४ ॥ गुडियकयखुज्जवेसो संपत्ती सुंसुमारनयरम्मि | रायपहं जाव गओ ता दिट्टो गयवरो एक्की || २५५ ॥ वियरंतो सच्छंद निरंकुसो मयजलोल्लियकवोलो । आमूलं उम्मूलियनिच्चलआलाणगुरुखंभो ॥ २५६ ॥ पात हट्टाई भजतो मंदिराई सव्वत्तो । कोलाहलो पयट्टो चूरिज्यंतम्मि लोगम्मि || २५७ || हलबोलं सुणिऊणं नाणासिक्खाहिं खुज्जयनरेण । काऊण वसे हत्थी नीओ आलाणखंभम्मि || २५८ ॥ लोएणऽणुगमंतो पत्तो दहिवन्नरायपासम्म । दट्टु खुज्जयरूचं नरनाहो विम्हिओ चित्ते || २५९ || विन्नाणं तुह् अन्नं पि अस्थि रन्ना पर्यपिओ भगह | देवऽत्थि रसब निम्मवेमहं सूरपागेणं ॥ २६० ॥ | दसे मज्झ रविपागरसवई कोउयं भणइ राया । तेण विहियं तह च्चिय संजाओ गोरवाणं ॥ २६९ ॥ कत्तो तुह आगमणं ? पुट्टो रन्ना पुणो चिसो भणइ । नलरन्नो सूयारो हुंडियनामो अहं आसि ॥ २६२ ॥ बाहत्तरी कलाओ तस्स सयासम्मि सिक्खिया य मए । नियचिन्नाणगुणणं संजाओ वल्लहो रन्नो || २६३॥ वणवासं संपत्ते नलम्मि जूएण हारिउं वसुहं । कत्थ गओ स न नज्जइ अहं तु तुह पासमल्लीणो ॥ २६४ ॥ अह अन्नया कयाई दहिवन्ननरिंद्रसंतिओ दूओ । भीमरहस्स सयासं केणइ कज्ज्रेण संपत्तो ॥ २६५ ॥ तत्थगएणं तेणं कहिओ सूयारसंतिओ सव्वो । वृत्तंतो नरवइणो दवदंतीए समेयम्स || २६६ ||
भणियं दवदंतीए रविपागं रसवई मुणइ नन्नो । मोत्तृण नलनरिंदं ता होज्य अवम्स मज्झ पिओ ||२६|| ता केण उवाएणं आणेयव्वो इहं स सूयारो । नवरं दहियन्ननराहिवेण समयं जइ समेइ || २६८ || अलियसयंवरमंडवकचडेणं एत्थ पत्थिवो सो वि । हक्कारिज्जउ इय मंतिऊण बालाए सह रन्ना || २६९ ॥ तो पट्टविओ ओ तेणावि सयंवरो समक्खाओ । जह दिणपंचगमज्झे आगंतवं तए सिग्धं ॥ २७० ॥ अह जंपर दहिबन्नो दूरे देसो त्ति कहणु गंतव्वं । पच्चासन्नो दिवसो तो भणिओ हुंडिएण इमं ॥ २७१ || देव ! विसन्नो मा होसु नेमि तं तत्थ पहरमेत्ते वि । पभणइ राया कहमाह सो वि सज्जं करेऊण || २७२॥ संजमियतुरयसंदणमारुहमु सहस्सजोहचउसहिओ । एवं ति कए रन्ना सूयारेणं पयत्तेणं || २७३ || अस्सावहार विज्जाए कन्नजावो कओ तुरंगाणं । तो ते निसायकरवालसामलं गयणमुप्पइया ||२७४॥ अह गच्छंतस्स नरेसरस्स मणपवणजवणरहरयणे । धरणीयलम्म पडियं चरुत्तरीयं सिरम्गाओ || २७५ ॥ तंजोयंतो उतरललोयणो हुडिएण पडिसिद्धो । जोयणसयं सवायं जम्हा तं देव ! परिचत्तं ॥ २७६ ॥ पत्तो य कुंडिणपुरिं पवेसिओ महरिहाए रिद्धीए । सम्माणिओ समाणो पयंपिओ भीमरहरन्ना || २७७॥
Jain Education International
For Private Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |