Page Text
________________
२. दानस्वरूपवर्णनाधिकारे द्रोणाद्याख्यानकम्
१४० ॥
तत्तोय कामदेवं सखि काऊण कामपालेग । कारवियं परिणयणं वसंतदेवम्स सह तीए ।। १३९ ॥ भणिया य कामपाले केसरा ! गिण्ह मह अलंकारे । जेणाहं तुह वेसं घेत्तं गच्छामि तुह् भवणं ॥ एत्तो पाइयचं तुभेहिं अहं तु इह भलिम्सामि । नवपरिणिएहिं भणियं एवं होही तुह अणत्थो ॥ १४१ ॥ एत्थंतरम्मि केणइ छड त्ति छीयम्मि कामपालो वि । जंपइ न मज्झ चिंता तुम्भेहिं खणं पि कायव्वा ॥ १४२ ॥ जम्हा छीयासणी सणो मह कहइ तत्थ पियलाभं । एवं ति पभणिऊणं तं सव्वमणुट्टियं तेहिं ॥ १४३ ॥ काऊ कामपाल कामिणिवेसं विसालनीरंगिं । नीहरिय मंदिराओ आरुहिउं पवरसिबियाए ।। १४४ ॥ वज्वंतस जलजलह रगभीरजयतूरपूरियदियंतो । पत्तो गिहम्मि तत्तो उवविट्टो परपल्लंके ।। १४५ ॥ संखउराओ एत्थंतरम्मि तम्माउभाउणो धूया । तरुणमणुम्मायकरी महरा मइर व्व संपत्ता ।। १४६ ।। गं तूण तओ एसा उवविट्टा कामपालपलंके । पभणइ बहिणि ! मए तुह निम्युओ निस्सेसवुतो ।। १४७ ॥ संखउरमागयाए सयासओ तुह सहीए कमलाए । जह केसराए गरुओ वसंतदेवम्मि अणुराओ ।। १४८ ।। सो तुझ विहिवसेणं संजाओ जइ वि अन्नहा इहि । तह वि हु गुरुयणवयणाणुवत्तणे नियमणं कुणसु ।। १४९ ।। जम्हा जं जेण जया पावेयां सुहं व दुक्खं वा । सो पुव्यकम्मपरिणइवसेण पावेइ तं नियमा ।। १५० ।। अणुरुवरू- जोवण-संपय विन्नाण-नाणविसएसु । जायइ जए पवित्ती परम्मुहा हयपयावणो || १५१ ॥ इय जंपिऊण नियपियसंभरणसमुच्छलंतगुरुसोया । मोत्तु मुणालदीहरनिस्सासं भणइ पुण महरा || १५२ ।। जत्ताए पवित्ताएं संखउरे संखवालजक्खस्स । कमणीयकामपाले अणुराओ मज्झ संजाओ ।। १५३ ।। तम्मि विकाराए परोप्परं पेसियम्मि तंबोले । हलबोलो संजाओ संपत्तो तत्थ मत्तकरी ॥ १५४ ॥ नो समग्गलोगो गइंदभयकंपिरा अहं तेण । आलिंगिऊण गाढं नीया निरुवद्दवे ठाणे ।। १५५ ॥ कयसम्माणो मह गुरुयणेण जा तत्थ चिट्टए ताव । वुट्टो अकालदारुणचिसहरनियरेहिं नीरधरो ।। १५६ ॥ नियपणे घेत्तृणं नट्टो लोगो भुयंगभयभीओ । सुइरं निरिक्खिओ वि हु तप्पभिड़ न सो कहिं दिट्टो || १५७ ॥ तयतरं च विहिणा तेण समं दंसणं पि मह हरियं । जलबिंबं पि तरंगा हरंति अहवा रहंगस्स ।। १५८ ।। तं सोड नीरंगी अवणीया ज्झत्ति कामपालेण । कहमेसो सो ? त्ति ससंभमाए न हु जंपियमिमीए ।। १५९ ।। तो नियकरकमलेणं घेत्तूणं पाणिपल्लवं तीए । भणियं तेण न एसो लज्जाकालो कुरंगच्छि ! ॥ १६० ।। ता लज्जं मोत्तणं निग्गमणोवायमेत्थ चितेहि । जेण लहुं गच्छामो वीवाहक्खित्त सयलजणे ।। १६१ ।।
1
अवरं च केसरा वियमिलिया दइयस्स इय पओगेण । तो हरि सियहिययाए मइराए 'पयंपिगं एवं ।। १६२ ।। काउ' सरीरचिताaari नियअसोगवणियाए । दारेण पगच्छामो तो तेहिं कयं तह च्चेव ॥ १६३ ॥ तत्तो वसंतदेवस्स गयउरे ताणि तत्थ मिलियाणि । इय चत्तारि वि नेहेण तत्थ भुंजंति विसयसुहं ॥ १६४ ॥ नायं अम्मा-पियरेहिं केसरा जह वसंतदेवेण । उच्वूढा मइरा वि य ससिणेहं कामपालेण ।। १६५ ।। तो संतुट्ठाइं मणम्मि ताइं अणुरुववरनिओगेण । एत्तो वसंतदेवाइएहिं दविणं बहु विद्वत्तं ।। १६६ ।। उत्तुंगतोरणा गिहाणि काराविऊण नियगाणि । तत्थाऽऽणियाणि अम्मा-पियराणि सिणेहसारेहिं ॥ १६७ ॥ रन्नो य तत्थ कोसल्लियाणि दुक्कंति पंचसंखाए। नवरं कुओ वि न सयं परिभुंजइ ताणमेगं पि ॥ १६८ ॥ मिलियाण ताण तेणं तेसिं परिभाइउं चउण्हं पि । उवभुत्ताणि सहरिसं सिणेहसारं समग्गेहि ॥ १६९ ॥ जाओ महासिणेहो जम्मंतर नेहसंगइवसेणं । कुरुचंद्रराइणा सह तेसिं कालो अइक्कमइ ।। १७० ।। एत्थंतरे सुरासुर - खेर-नरनियरनमियकमकमलो । तन्नयरवरुज्जाणे समोसढो संतिजिणनाहो ॥ १७१ ॥ वद्धाविओ नरिंदो तत्तो उज्जाणपालपुरिसेहिं । दाऊण पारितोसि यद्वाणं तो ताण नरनाहो ॥ १७२ ॥ आरुहिय पट्टत्थि निस्सेसन रिंदनियर परियरिओ । सर्द्धि वसंतदेवाइएहिं पत्तो समवसरणे ॥ १७३ ॥
१. जंपियं रं० ।
Jain Education International
For Private Personal Use Only
२९
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |