Page Text
________________
મૂગાર્વતીજીએ સમાજની અંદર જે ધર્મ અને દાનની ભાવના જાગૃત કરી છે તેથી અત્યાર સુધી બધું કામ નિર્વિન રીતે ચાલી રહ્યું છે. પરંતુ વિશાળ કાર્ય અને વધતી જતી મોંઘવારીમાં આ મહાન સંસ્થાનનો કારોબાર કઈ રીતે ચાલશે એની ચિંતા મહત્તરાજીને હતી. એમણે સમાજના શ્રીમંતોને એક નવો વિચાર આપ્યો કે, તેઓ પોતાનું ધર્માર્થ ટ્રસ્ટ સ્થાપિત કરે અને તેના વ્યાજમાંથી અર્ધી રકમ સ્મારકના નિર્વાહ ફંડ માટે આપે. મૃગાવતીજીની પ્રેરણાથી લગભગ ૫૦ લાખ રૂપિયાનું ટ્રસ્ટ સ્થાપવા માટે લોકોએ વચન આપ્યાં છે.
- ૧૯૮૬ના આરંભમાં મૃગાવતીજીની તબિયત ફરીથી બગડતી ગઈ. સૌ ચિંતિત થઈ ગયા. પરંતુ મૃગાવતીજી તો કોઇ પણ પ્રકારની ચિંતા વગર કહેતા, “સ્વમાં સ્થિત છું.' મહારાજીએ પોતાની દિવ્ય દૃષ્ટિથી આદેશ આપ્યો, કે, મુખ્ય સ્મારક ભવનમાં બિરાજમાન થનાર વિજયવલ્લભસૂરિ મહારાજની ભવ્ય પ્રતિમા, તથા જિન મંદિરમાં સ્થાપિત થનાર ભગવાનની ચાર પ્રતિમાઓની બોલીઓ બોલાવવાનો આદેશ આપ્યો. ૧૫મી જૂન ૧૯૮૬નો દિવસ અહીં એક મહાન પર્વ રૂપે મનાવવામાં આવ્યો. એ દિવસે મહાન ક્રાંતિકારી આચાર્ય શ્રીમદ્ વિજયાનંદસૂરીશ્વરજી (આત્મારામજી) મહારાજની પુણ્યતિથિ, ઉત્તર ભારતની આત્માનંદ જૈન મહાસભાનું ૨૫મું અધિવેશન, ભગવાન વાસુપૂજય સ્વામીના મંદિરમાં બિરાજમાન થનાર ચાર અરિહંતદેવ અને ગુરુ ભગવંતોની પ્રતિમાઓની બોલીઓ અને અષાઢ સંક્રાંતિ મહોત્સવના ઉપલક્ષમાં એક વિશાળ ધર્મસભાનું આયોજન થયું. જેમાં ભાગ લેવા હજારો ગુરુભક્તો અને સમસ્ત ઉત્તર ભારતના શ્રી સંઘોના પ્રતિનિધિઓ પધાર્યા. પૂજય મહત્તરાજીની નિશ્રામાં સમગ્ર કાર્યક્રમનું આયોજન કરવામાં આવ્યું હતું. પોતાના શરીરની અસ્વસ્થતા છતાં સવારના ૯ વાગ્યાથી બપોરના ૩ વાગ્યા સુધી છ કલાક કાર્યક્રમમાં સતત ઉપસ્થિત રહ્યાં. આ અધિવેશનમાં યુવકોને એમના વિશિષ્ટ સાહસ અને શૌર્ય માટે “શ્રી કાલિકાચાર્ય શૌર્ય સુવર્ણ પદક' એનાયત કરવામાં આવ્યા. બોલીઓ બોલવામાં આવી. બે ઉપાશ્રય બનાવવા માટે બે મહાનુભાવોએ તૈયારી બતાવી. આ રીતે માંદગીને ન ગણકારી મૃગાવતીજીએ ખૂબ મોટાં દાન એકત્રિત કરવા પ્રેરણા આપી.
પૂજય મંગાવતીના શ્રેષ્ઠ પ્રયત્નોથી વલ્લભ સ્મારકનું નામ દેશ-વિદેશમાં પહોંચી ગયું. વલ્લભ સ્મારક એ મૃગાવતીજી તરફથી સમાજને અનુપમ, ઉત્કૃષ્ટ અને અમર દેન છે. સ્મારકથી સમસ્ત જૈન સમાજનું ગૌરવ વધ્યું છે. ' મૃગાવતીજીનું નિર્મળ ચારિત્ર, વચનસિદ્ધિ, કર્તવ્યશક્તિ તથા ધર્મ અને ગુરુ પ્રત્યેની નિષ્ઠા અદ્વિતીય હતાં.
મહારા થી મૃગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |