Page Text
________________
કાર્યકર્તાઓના અંતરમાં આનંદની લહેર ફરી વળી. કામ એટલી ઝડપથી આગળ વધવા લાગ્યું કે, ચાર મહિનાની અંદર મંદિર નિર્માણનું કાર્ય પૂરું થયું. હૉસ્ટેલ નિર્માણનું કાર્ય પણ પૂરું થવા આવ્યું. - મૃગાવતીજીએ હૉસ્ટેલના ભોંયતળિયાના મકાનનું ઉદ્ઘાટન અને માતા પદ્માવતીના મંદિરની પ્રતિષ્ઠા માટે ૧૦ અને ૧૧ મે ૧૯૮૪ના બે દિવસના સમારોહનો આદેશ આપ્યો. એક કાયમી ભોજનશાળા માટે પ્રેરણા આપી. હૉસ્ટેલના ભોંયતળિયે સંશોધન કાર્ય માટે ભોગીલાલ લહેરચંદ ઈસ્ટિટયૂટ ઑફ ઈડોલોજીની સ્થાપના કરવાની યોજના બનાવી. બે દિવસના સમારોહમાં, જવાહરલાલ નહેરુ વિશ્વ વિદ્યાલયના કુલપતિ ડૉ. દૌલતસિંહ કોઠારીની અધ્યક્ષતામાં આ બધું કાર્ય પાર પડયું. સ્મારકના સંરક્ષક શ્રેષ્ઠિવર્ય શ્રી દીપચંદ એસ. ગાડના વરદ હસ્તે શીલસૌરભ વિદ્યાવિહાર હૉસ્ટેલ બ્લોકનો ઉદઘાટન વિધિ થયો. શ્રી પ્રતાપભાઈ ભોગીલાલે પોતાના સ્વ. પિતા શ્રેષ્ઠિવર્ય ભોગીલાલ લહેરચંદની પુણ્ય સ્મૃતિમાં ભોગીલાલ લહેરચંદ સંસ્થાનનું ઉદ્દઘાટન કર્યું. કાયમી ભોજનશાળાનું ઉદ્દઘાટન તિલકચંદ મ્હાનીના સુપુત્રો શશિકાન્તભાઈ, રવિકાન્તભાઈ અને નરેશકુમારે કર્યું. પદ્માવતીદેવીના મંદિરની પ્રતિષ્ઠા લાલા શાંતિલાલજી, (મોતીલાલ બનારસીદાસ પેઢીવાળા)એ કર્યું.
માતા પવતીની પ્રતિમા જોનારને મંત્રમુગ્ધ બનાવી દે એવી છે. સુકોમળ ચહેરો અને દિવ્ય દષ્ટિ દર્શકને આનંદ આપી જાય છે. સમસ્ત ભારત દેશમાં કોઈ પણ અધિષ્ઠાયક દેવનું કલાત્મક અને વાસ્તુકલાને અનુરૂપ બનાવવા આવેલ આ પ્રથમ મંદિર છે.
૮ થી ૧૦ ફેબ્રુઆરી દરમ્યાન એક આંતરરાષ્ટ્રીય જૈન કોન્ફરન્સનું આયોજન અહિંસા ઇન્ટરનેશનલે કર્યું. ત્રીજે દિવસે બધા પ્રતિનિધિઓને વિજયવલ્લભ સ્મારકના સ્થળે નિમંત્રવામાં આવ્યા. મૃગાવતીજીની નિશ્રામાં આ સમારોહની અધ્યક્ષતા યુનિવર્સિટી ગ્રાન્ટ કમિશનના અધ્યક્ષા શ્રી માધુરીબહેન આર. શાહે કરી. શ્રેણિકભાઈ અને પ્રતાપભાઈ 'ભોગીલાલ પણ પધાર્યા હતા. સુશીલ મુનિ પણ સમારોહમાં ઉપસ્થિત રહ્યા હતા. દેશ-વિદેશના પ્રતિનિધિઓએ કલાત્મક નિર્માણ અને શોધ કાર્યને જોઈ મુક્ત કંઠે પ્રશંસા કરી.
સ્મારકની આસપાસના ગામવાસીઓની કઈક સેવા કરવાનો વિચાર મૃગાવતીજીના મનમાં ફૂર્યો. એક દવાખાનું શરૂ કરાવવાની ભાવના વ્યક્ત કરી. લાલા ધર્મચન્દજીએ એ ભાવનાને પુષ્ટિ આપી. ૧૫ જૂન ૧૯૮૫ના રોજ શ્રી આત્મવલ્લભ જશવંત ધર્મ મેડિકલ ફાઉંડેશનના નામે એક હોમિયોપેથિક દવાખાનાનું ઉદ્ઘાટન કરવામાં આવ્યું. ગામડાના લોકો અને સ્મારકના શિલ્પીઓને એનો લાભ મળવા લાગ્યો.
શ્રી વિજયવલ્લભ સ્મારક ટ્રસ્ટ પાસે અત્યારે ૨૦ એકર જમીન છે. એક ગગનચુંબી સ્મારક પ્રાસાદ અને એક જૈન મંદિરનું અત્યારે નિર્માણ કાર્ય ચાલી રહ્યું છે. માતા પદ્માવતીનું મંદિર, શ્રી વલ્લભ સ્મારક ભોજનાલય અને ભોગીલાલ લહેરચંદ ઈસ્ટીટયૂટ ઑફ ઈડોલોજી શરૂ થઈ ગયાં છે. ભાવિ નિર્માણમાં એક સ્કૂલ, પૃથક શોધપીઠ ભવન, ચિકિત્સાલય ભવન, અતિથિ ગૃહ, સ્કૂલ હૉસ્ટેલ, સ્ટાફ કવાટર્સ, કેન્ટીન અને કાર્યાલયનો સમાવેશ થાય છે. ફૂલ-ઝાડ, પગદંડીઓ, ફુવારા વગેરેથી સુશોભિત આ સ્થાને થોડા સમયમાંજ પૂર્ણ થઈ જશે.
સંસ્કૃત અને પ્રાકૃતનું અધ્યયન, અધ્યાપન, પ્રાચીન ગ્રંથ ભંડારો ઉપર શોધ કાર્ય. સર્વોપયોગી સાહિત્ય પ્રકાશન. ધાર્મિક અને વ્યાવહારિક શિક્ષણ, શ્રમણ મંડળ માટે અધ્યયન સુવિધાઓ, સમાજસેવા કાર્યક્રમ, યોગ અને સાધના શિબિરો વગેરેનું આયોજન થશે. આ સંસ્થાન ભારતની રાજધાની દિલ્હીમાંથી સત્ય, અહિંસા, અપરિગ્રહ વગેરેનો સંદેશ વિશ્વ સુધી પહોંચાડવાને માટે માધ્યમ રૂપ બનશે.
આ સ્મારક સંકુલના નિર્માણમાં કરોડો રૂપિયાનો ખર્ચ થવાનો છે. મોટી રકમનું ખર્ચ થઇ ચૂકયું છે.
મહત્તરા શ્રી મગાવતીશ્રીજી
૫૫
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |