Page Text
________________
सत्तम सत (दसमो उद्देसो)
एव वयासी-से नूण भे कालोदाई । अण्णया कयाइ एगयो सहियाण समुवागयाण सण्णिविट्ठाण सण्णिसण्णाण अयमेयारूवे मिहोकहासमुल्लावे समुप्पज्जित्था-एव खलु समणे नायपुत्ते पच अत्थिकाए पण्णवेति तहेव जाव' से कहमेय मण्णे एव ? से नण कालोदाई । अत्थे समत्थे ? हता अत्थि । त सच्चे ण एसमढे कालोदाई । अह पचत्थिकाय पण्णवेमि, त जहा-धम्मत्थिकाय जाव पोग्गलत्थिकाय ।। तत्थ ण अह चत्तारि अत्थिकाए अजीवकाए' पण्णवेमि, "तं जहा-धम्मत्थिकाय, अधम्मत्थिकायं, आगासत्थिकाय, पोग्गलस्थिकाय । एग च ण अह जीवत्थिकाय अरूवीकाय जीवकाय पण्णवेमि । तत्थ ण अह चत्तारि अत्थिाए अरूवीकाए पण्णवेमि, त जहा-धम्मत्थिकाय, अधम्मत्थिकाय, आगासत्थिकाय, जीवत्थिकाय । ° एग च ण अह पोग्गलत्थि
काय रूविकाय पण्णवेमि॥ २१६ तए ण से कालोदाई समण भगव महावीर एव वदासी- एयसि ण भते ।
धम्मत्थिकायसि, अधम्मत्थिकायसि, आगासत्थिकायसि अरूविकायसि अजीवकायसि चक्किया केइ आसइत्तए वा ? सइत्तए वा ? चिठ्ठइत्तए वा ? निसीइत्तए वा ? तुयट्टित्तए वा? । णो तिणद्वे समढ़े। कालोदाई | एगसि ण पोग्गलत्थिकायसि रूविकायसि अजीवकायंसि चक्किया केइ आसइत्तए वा, सइत्तए वा', 'चिट्ठइत्तए वा,
निसीइत्तए वा°, तुयट्टित्तए वा ॥ २२० एयसि ण भते । पोग्गलत्थिकायसि रूविकायसि अजीवकायसि जीवाण पावा
कम्मा पावफलविवागसजुत्ता कज्जति ? णो तिणढे सम? । कालोदाई | एयसि ण जीवत्थिकायसि अरूविकायसि जीवाण पावा कम्मा पावफलविवागसजुत्ता कज्जति । एत्थ ण से कालोदाई
सबुद्धे समण भगव महावीर वदइ नमसइ, वदित्ता नमसित्ता एव वयासी- इच्छामि ण भते । तुब्भ अतिय धम्म निसामेत्तए । एव जहा खदए तहेव
पव्वइए, तहेव एक्कारस अगाइ अहिज्जइ जाव' विचित्तेहिं तवोकम्मेहि अप्पाण
भावेमाणे विहरइ ॥ २२१. तए ण समणे भगव महावीरे अण्णया कयाइ रायगिहारो नगराओ, गुणसिलाओ
'चेइयानो पडिनिक्खमति, पडिनिक्खमित्ता वहिया जणवयविहार विहरइ ॥
१. भ० ७।२१३ । २ अजीवताए (क), अजीवत्यिकाए (स)। ३. स० पा०-तहेव जाव एग ।
४ चिट्ठित्तए (अ, व, ता)। ५ स० पा०-सइत्तए वा जाव तुयट्टित्तए। ६ भ० २।५०-६३ ।
| SR No. | 010873 |
| Book Title | Jainagmo Me Parmatmavad |
| Original Sutra Author | N/A |
| Author | Atmaramji Maharaj |
| Publisher | Atmaram Jain Prakashanalay |
| Publication Year | |
| Total Pages | 1157 |
| Language | Hindi |
| Classification | Book_Devnagari |
| File Size | 50 MB |