________________
तीसइमं सत (वीओ उद्देतो)
९६५ पक्खिया । सम्मामिच्छादिछी दोसु वि समोसरणेसु जहा अलेस्सा। नाणी जाव केवलनाणी भवसिद्धीया, नो अभवसिद्धीया। अण्णाणी जाव विभगनाणी जहा कण्हपक्खिया। सण्णासु चउमु वि जहा सलेस्सा। नोसण्णोवउत्ता जहा सम्मदिट्ठी। सवेदगा जाव नपुसगवेदगा जहा सलेस्सा । अवेदगा जहा सम्मदिट्ठी। सकसायी जाव लोभकसायी जहा सलेस्सा। अकसायी जहा सम्मदिट्ठी। सजोगी जाव कायजोगी जहा सलेस्सा। अजोगी जहा सम्मदिट्ठी। सागारोवउत्ता अणागारोवउत्ता जहा सलेस्सा। एव नेरइया वि भाणियव्वा, नवर-नायव्व' जं अत्यि। एव असुरकुमारा वि जाव थणियकुमारा। पुढविक्काइया सव्वट्ठाणेसु वि मज्झिल्लम दोसु वि समोसरणेसु भवसिद्धीया वि, अभवसिद्धीया वि। एव जाव वणस्मइकाइया । बेइदिय-तेइदिय-चउरिदिया एव चेव, नवरसम्मत्तं ओहिनाणे आभिणिवोहियनाणे सुयनाणे-एएसु चेव दोसु मज्झिमेसू समोसरणेमु भवसिद्धिया, नो अभवसिद्धिया, सेस त चेव । पचिंदियतिरिक्खजोणिया जहा नेरइया, नवर--नायव्व ज अस्थि । मणुस्सा जहा प्रोहिया
जीवा । वाणमतर-जोइसिय-वेमाणिया जहा असुरकुमारा ।। ३५ सेव भते । मेव भते । त्ति ॥
बीओ उद्देसो ३६. अणतरोववन्नगाण भंते । नेरइया कि किरियावादी-पुच्छा।
गोयमा । किरियावादी वि जाव वेणइयवादी वि ॥ ३७. सलेस्सा ण भते । अणतरोववन्नगा नेरइया किं किरियावादी० ? एव चेव ।
एव जहेव पढमुद्देसे नेरइयाण वत्तव्वया तहेव इह वि भाणियव्वा, नवरंज ज' अत्थि अणंतरोववन्नगाण नेरइयाण त त' भाणियव्व । एव सव्वजीवाण जाव वेमाणियाण, नवर-अणतरोववन्नगाण ज जहिं अत्थि त तहिं
भाणियव्वं ॥ ३८ किरियावादी ण भंते | अणतरोववन्नगा नेरइया किं नेरइयाउयं पकरेति
पुच्छा । गोयमा ! नो नेरइयाउयं पकरेंति, नो तिरिक्खजोणियाउय, नो मणुस्साउय,
१. नेयव्व (अ, क)। २. ज़म्स (अ, स)।
३. तस्स (अ, स)।
