________________
चिंतह किमेरिसाई इत्थीह वि हंति सीलसत्ताई? । जं चिरपउत्थदइए विरूवतरुणत्तभावेऽवि ॥१७॥ खोभिज्जइन परेणं? ता पच्चयमप्पणो करिस्सामि । तस्स य किंनरगंधव्वनामया गायणा दोन्नि ॥१८॥ नामेण कोइला गायणी य कंठेण विजियअमराई। सोऊण ताण गेयं च अक्खिविज्जति मुणिणोऽवि ॥ रूयं सोहरगं चिय अणुत्तरं ताण गायणाण तहा | जंपंता य वियडा कुणंति पउलोमियं पि वसे ॥२०॥ तिनिवि ताई निवेणं पच्छन्नं पेसियाई उसभपुरे। गंतूण चंदवयणं विरनियद्धेहिं गीएहिं ॥२१॥ तह अक्खिवंति ताई खणं पि जह मेल्लए न पासाओ। तो अइसयअक्खित्तं नाउं तं गायणा एयं ।२२। पत्थंति अणायारं मुद्धसहावं पि कह वि एगते । तो नायं तीइ जहा दुट्टा एए न सुहभावा ॥२३॥ अह संवरणं काउं तयभिमुहंसा भइ किमजुत्तं ? । कल्ले तिन्नि वि तुम्हे एजह रयणीह संवहिउं ।२४। तो हिडाइं गयाइं एयाइं इमीइ सुत्ततंतूहिं । खट्टा वणाविऊणं ठविआ भूमिहरउवरिम्मि ॥२५॥ बीयदिणे रयणीए काऊणं ताई पवरसिंगारं । तत्थाऽऽगयाई तत्तो भणियाई दासचेडीए ॥२६॥ पुरओ उवविसिऊणं चिट्ठह जा सामिणिं पहुप्पेमि । सुत्तबुणियखट्टाए वत्थेण च्छाइयाए य ॥२७॥ उवविद्याई तिन्नि वि पडियाई भूमिगेहमज्झम्मि | चिट्ठति दुखियाई तल्लुब्वेल्लिं कुणंताई ॥२८॥ तो भोयणवेलाग कोद्दवकूरं इमाण तिण्हं पि । अद्धठवेण खिवावइ करवयमगं च नीरस्स ॥२९॥
॥ १८५॥
