Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 976

उ० १५ चाउम्मासियमुग्धाइयं] सुत्तागमे
९०१ ॥ ९२२ ॥ जे भिक्खू अण्णउत्थिएण वा गारथिएण वा अप्पणो कायं सीओदगवियडेण वा उसिणोदगवियडेण वा उच्छोलावेज वा पधोवावेज वा उच्छोलावेंतं वा पधोवावेंतं वा साइज्जइ ॥ ९२३ ॥ जे भिक्खू अण्णउत्थिएण वा गारथिएण वा अप्पणो कायं फूमावेज वा रयावेज वा फूमावेंतं वा रयातं वा साइजइ ॥ ९२४ ॥ जे भिक्खू अण्णउत्थिएण वा गारथिएण वा अप्पणो कार्यसि वणं आमज्जावेज वा पमजावेज वा आमजावेंतं वा पमजावेंतं वा साइजइ ॥ ९२५ ॥ जे भिक्खू अण्णउत्थिएण वा गारथिएण वा अप्पणो कायंसि वणं संवाहावेज वा पलिमद्दावेज वा संवाहावेंतं वा. पलिमद्दावेंतं वा साइजइ ॥ ९२६ ॥ जे भिक्खू अण्णउत्थिएण वा गारथिएण वा अप्पणो कायंसि वणं तेल्लेण वा घएण वा णवणीएण वा मक्खावेज वा भिलिंगावेज वा मक्खावेंतं वा भिलिंगावेंतं वा साइज्जइ ॥ ९२७ ॥ जे भिक्खू अण्णउत्थिएण वा गारथिएण वा अप्पणो कायंसि वणं लोद्धेण वा कक्केण वा उल्लोलावेज वा उव्वट्टावेज वा उल्लोलावेंतं वा उव्वद्यावेतं वा साइज्जइ ॥ ९२८ ॥ जे भिक्खू अण्णउत्थिएण वा गारथिएण वा अप्पणो कार्यसि वणं सीओदगवियडेण वा उसिणोदगवियडेण वा उच्छोलावेज वा पधोवावेज वा उच्छोलावेंतं वा पधोवावेंतं वा साइजइ ॥ ९२९ ॥ जे भिक्खू अण्णउत्थिएण वा गारथिएण वा अप्पणो कायंसि वणं फूमावेज वा रयावेज वा फूमातं वा रयातं वा साइजइ ॥ ९३० ॥ जे भिक्खू अण्णउत्थिएण वा गारथिएण वा अप्पणो कायंसि गंडं वा पिलगं वा अरइयं वा अंसियं वा भगंदलं वा अण्णयरेणं तिक्खेणं सत्थजाएणं अच्छिदावेज वा विच्छिदावेज वा अच्छिदावेंतं वा विच्छिदावेंतं वा साइज्जइ ॥ ९३१ ॥ जे भिक्खू अण्णउत्थिएण वा गारथिएण वा अप्पणो कार्यसि गंडं वा पिलगं वा अरइयं वा अंसियं वा भगंदलं वा अण्णयरेणं तिक्खणं सत्थजाएणं अच्छिदावित्ता विच्छिदावित्ता पूर्व वा सोणियं वा णीहरावेज वा विसोहावेज वा णीहरावेंतं वा विसोहावेंतं वा साइजइ ॥ ९३२॥ जे भिक्खू अण्णउत्थिएण वा गारथिएण वा अप्पणो कायंसि गंडं वा पिलगं वा अरइयं वा अंसियं वा भगंदलं वा अण्णयरेणं तिक्खणं सत्थजाएणं अच्छिदावेत्ता विच्छिदावेत्ता पूर्व वा सोणियं वा णीहरावेत्ता विसोहावेत्ता सीओदगवियडेण वा उसिणोदगवियडेण वा उच्छोलावेज वा पधोयावेज वा उच्छोलावेंतं वा पधोयावेतं वा साइज्जइ ॥ ९३३ ॥ जे भिक्खू अण्णउत्थिएण वा गारथिएण वा अप्पणो कार्यसि गंडं वा पिलगं वा अरइयं वा अंसियं वा भगंदलं वा अण्णयरेणं तिक्खणं सत्यजाएणं अच्छिदावेत्ता विच्छिदावेत्ता पूयं वा सोणियं वा णीहरावेत्ता विसोहावेत्ता सीओदगवियडेण वा उसिणोदगवियडेण
HTHHTHHTHHA