Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 975

९००
सुत्तागमे
[णिसीहसुत्तं अच्चासाएइ अचासाएंतं वा साइजइ ॥ ९०४ ॥ जे भिक्खू सचित्तं अंबं भुंजइ भुंजंतं वा साइजइ॥९०५॥ जे भिक्खू सचित्तं अंबं वि(ड)डसइ विडसंतं वा साइजइ ॥ ९०६ ॥ जे भिक्खू सचित्तपइट्ठियं अंबं भुंजइ भुंजंतं वा साइज्जइ ॥९०७॥ जे भिक्खू सचित्तपइट्ठियं अंबं विडसइ विडसंतं वा साइज्जइ ॥ ९०८ ॥ जे भिक्खु सचित्तं अंबं वा अंबपे(सियं)सिं वा अंबभि(त्ति)त्तं वा अंबसालगं वा अंबडालगं वा अंबचोयगं वा भुंजइ भुंजंतं वा साइजइ ॥ ९०९॥ जे भिक्खू सचित्तं अंबं वा अंबपेसि वा अंबभित्तं वा अंबसालगं वा अंबडालगं वा अंबचोयगं वा विडसइ विडसंतं वा साइजइ ॥ ९१० ॥ जे भिक्खू सचित्तपइट्ठियं अंबं वा अंबपेसिं वा अंबभित्तं वा अंबसालगं वा अंबडालगं वा अंबचोयगं वा भुंजइ भुंजंतं वा साइज्जइ ॥९११॥ जे भिक्खू सचित्तपइट्ठियं अंबं वा अंबपेसिं वा अंब भित्तं वा अंबसालगं वा अंबडालगं वा अंबचोयगं वा विडसइ विडसंतं वा साइजइ ॥ ९१२ ॥ जे भिक्खू अण्णउत्थिएण वा गारथिएण वा अप्पणो पाए आमज्जावेज वा पमज्जावेज वा आमज्जावेंतं वा पमज्जावेंतं वा साइजइ ॥ ९१३ ॥ जे भिक्खू अण्णउत्थिएण वा गारथिएण वा अप्पणो पाए संवाहावेज वा पलिमद्दावेज वा संवाहावेंतं वा पलिमहावेंतं वा साइजइ ॥ ९१४ ॥ जे भिक्खू अण्णउत्थिएण वा गारथिएण वा अप्पणो पाए तेल्लेण वा घएण वा णवणीएण वा मक्खावेज वा भिलिंगावेज वा मक्खावेंतं वा भिलिंगावेंतं वा साइजइ ॥ ९१५ ॥ जे भिक्खू अण्णउत्थिएण वा गारथिएण वा अप्पणो पाए लोद्धण वा कक्केण वा उल्लोलावेज वा उव्वट्टावेज वा उल्लोलावेंतं वा उव्वद्यावेंतं वा साइजइ ॥ ९१६ ॥ जे भिक्खू अण्णउत्थिएण वा गारथिएण वा अप्पणो पाए सीओदगवियडेण वा उसिणोदगवियडेण वा उच्छोलावेज वा पधोवावेज वा उच्छोलावेंतं वा पधोवावेंतं वा साइजइ ॥ ९१७ ॥ जे भिक्खू अण्णउत्थिएण वा गारत्थिएण वा अप्पणो पाए फूमावेज वा रयावेज वा फूमावेंतं वा रयावेंतं वा साइज्जइ ॥९१८॥ जे भिक्खू अण्णउत्थिएण वा गारत्थिएण वा अप्पणो कायं आमज्जावेज वा पमजावेज वा आमज्जावेंतं वा पमज्जावेंतं वा साइज्जइ ॥९१९॥ जे भिक्खू अण्णउत्थिएण वा गारथिएण वा अप्पणो कायं संवाहावेज वा पलिमद्दावेज वा संवाहावेंतं वा पलिमद्दावेंतं वा साइज्जइ ॥ ९२० ॥ जे भिक्खू अण्णउत्थिएण वा गारथिएण वा अप्पणो कायं तेल्लेण वा घएण वा णवणीएण वा मक्खावेज वा भिलिंगावेज वा मक्खावेंतं वा भिलिंगावेंतं वा साइजइ ॥ ९२१॥ जे भिक्खू अण्णउत्थिएण वा गारथिएण वा अप्पणो कायं लोद्धेण वा कक्केण वा उल्लोलावेज वा उव्वद्यावेज वा उल्लोलावेंतं वा उव्वद्यावेतं वा साइजइ