Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 961

सुत्तागमे
[णिसीहसुत्तं वा चेलपायाणि वा संखपायाणि वा वइरपायाणि वा परिभुजइ परिभुंजंतं वा साइजइ ॥ ६५० ॥ जे भिक्खू अयबंधणाणि वा तंबबंधणाणि वा तउयबंधणाणि वा कंसबंधणाणि वा रुप्पबंधणाणि वा सुवण्णबंधणाणि वा जायख्वबंधणाणि वा मणिबंधणाणि वा कायबंधणाणि वा दंतबंधणाणि वा सिंगबंधणाणि वा चम्मबंधणाणि वा चेलबंधणाणि वा संखबंधणाणि वा वइरबंधणाणि वा करेइ करेंतं वा साइजइ ॥ ६५१ ॥ जे भिक्खू अयबंधणाणि वा तंबबंधणाणि वा तउयबंधणाणि वा कंसबंधणाणि वा रुप्पबंधणाणि वा सुवण्णबंधणाणि वा जायरूवबंधणाणि वा मणिबंधगाणि वा कायबंधणाणि वा दंतबंधणाणि वा सिंगबंधणाणि वा चम्मबंधणाणि वा चेलबंधणाणि वा संखबंधणाणि वा वइरबंधणाणि वा धरेइ धरेंतं वा साइजइ ॥ ६५२ ॥ जे भिक्खू अयबंधणाणि वा तंबबंधणाणि वा तउयबंधणाणि वा कंसबंधणाणि वा रुप्पबंधणाणि वा सुवण्णबंधणाणि वा जायरूवबंधणाणि वा मणिबंधणाणि वा कायबंधणाणि वा दंतबंधणाणि वा सिंगबंधणाणि वा चम्मबंधणाणि वा चेलबंधणाणि वा संखबंधणाणि वा वइरबंधणाणि वा परिभुजइ परिभुजंतं वा साइजइ ॥ ६५३ ॥ जे भिक्खू परं अद्धजोयणमेराओ पायपडियाए गच्छइ गच्छंतं वा साइजइ ॥ ६५४ ॥ जे भिक्खू परमद्धजोयणमेराओ सपञ्चवायंसि पायं अभिहडं आह९ दिजमाणं पडिग्गाहेइ पडिग्गाहेंतं वा साइजइ ॥ ६५५ ॥ जे भिक्खू धम्मस्स अवण्णं वयइ वयंतं वा साइजइ ॥ ६५६ ॥ जे भिक्खू अधम्मस्स वणं वयइ वयंतं वा साइजइ ॥ ६५७ ॥ जे भिक्खू अण्णउत्थियस्स वा गारत्थियस्स वा पाए आमज्जेज वा पमज्जेज वा आमजंतं वा पमजंतं वा साइजइ ॥ ६५८ ॥ जे भिक्खू अण्णउत्थियस्स वा गारत्थियस्स वा पाए संवाहेज वा पलिमद्देज वा संवाहेंतं वा पलिमहतं वा साइजइ ॥ ६५९ ॥ जे भिक्खू अण्णउत्थियस्स वा गारत्थियस्स वा पाए तेल्लेण वा घएण वा णवणीएण वा मक्खेज वा भिलिंगेज वा मक्खेंतं वा भिलिंगेंतं वा साइजइ ॥ ६६० ॥ जे भिक्खू अण्णउत्थियस्स वा गारत्थियस्स वा पाए लोद्धेण वा कक्केण वा उल्लोलेज वा उव्वट्टेज वा उल्लोलेंतं वा उव्वटेंतं वा साइजइ ॥ ६६१ ॥ जे भिक्खू अण्णउत्थियस्स वा गारत्थियस्स वा पाए सीओदगवियडेण वा उसिणोदगवियडेण वा उच्छोलेज वा पधोएज वा उच्छोलेंतं वा पधोएंतं वा साइजइ ॥ ६६२ ॥ जे भिक्खू अण्णउत्थियस्स वा गारत्थियस्स वा पाए फूमेज वा रएज वा फूतं वा रएंतं वा साइजइ ॥ ६६३ ॥ जे भिक्खू अण्णउत्थियस्स वा गारत्थियस्स वा कायं आमज्जेज वा पमज्जेज वा आमज्जंतं वा पमजंतं वा साइजइ ॥ ६६४ ॥ जे भिक्खू अण्णउत्थियस्स वा