Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 743

सुत्तागमे
[ जंबुद्दीवपण्णत्ती
सुप्पभाणं संखतलविमलणिम्मलदहिघणगोखीरफेणरययणिगरप्पगासाणं वइरामयकुंभजुयलसुट्ठियपीवरवरवइरसोंडवट्टियदित्तसुरत्त पउमप्पगासाणं अब्भुण्णयमुहाणं तवणिज्जविसालकण्णचंचलचलंतविमलुज्जलाणं महुवण्णभिसंतणिद्धपत्तलनिम्मलतिवण्णमणिरयणलोयणाणं अब्भुग्गयमउलम लियाधवलसरिससंठियणिव्वणदढकसिणफालियामयसुजायदन्तमुसलोवसोभियाणं कंचणकोसीपविट्ठदन्तग्गविमलमणिरयणरुइलपेरंतचित्तरूवगविराइयाणं तवणिज्जविसालतिलगप्पमुहपरिमण्डियाणं नाणामणिरयणमुद्धगेविज्जबद्धगलयवरभूसणाणं वेरुलिय विचित्तदण्डणिम्मलवइरामयतिक्खलट्ठ अंकुस - कुंभजुयलयंतरोडियाणं तवणिज्जसुबद्धकच्छदप्पियबलुद्धराणं विमलघणमण्डलवइरामयलालाललियतालणाणं णाणामणिरयणघण्टपासगरययामयबद्धलज्जुलंबियघंटाजुयलमहुरसरमणहराणं अलीणपमाणजुत्तवट्टियसुजायलक्खणपसत्थरमणिज्जवालगत्तपरिपुंछणाणं उवचियपडिपुण्णकुम्मचलणलहुविक्कमाणं अंकमयणक्खाणं तवणिज्जजीहाणं तवणिज्जतालुयाणं तवणिज्जजोत्तगसुजोइयाणं कामगमाणं पीइगमाणं मणोगमाणं मणोरमाणं अमियगईणं अमियबलवीरियपुरिसक्कारपरक्कमाणं महया गंभीरगुलुगुलाइयरवेणं महुरेणं मणहरेणं पूरेंता अंबरं दिसाओ य सोभयंता चत्तारि देवसाहस्सीओ गयख्वधारीणं देवाणं दक्खिणिलं बाहं परिवहंति । चन्दविमाणस्स णं पचत्थिमेण सेयाणं सुभगाणं सुप्पभाणं चलचवलककुहसालीणं घणणिचियसुबद्धलक्खणुण्णयईसियाणयवसभोट्ठाणं चंकमियललिय पुलियचलचवलगव्वियगईणं सण्णयपासाणं संगयपासाणं सुजायपासाणं पीवरवट्टियसुसंठियकडीणं ओलंब पलंबलक्खणपमाणजुत्तरमणिज्जवालगण्डाणं समखुरवालिघाणाणं समलिहियसिंगतिक्खग्गसंगयाणं तणुसुहुमसुजायणिद्धलोमच्छविधराणं उवचियमंसलविसालपडिपुण्णखंधपएससुंदराणं वेरुलियभिसंतकडक्खसुणिरिक्खणाणं जुत्तपमाणपहाणलक्खणपसत्थरमणिज्जगग्गरगलसोभियाणं घरघरगसुसद्दबद्धकंठपरिमण्डियाणं णाणामणिकणगरयणघण्टियावेगच्छ्गिसुकयमालियाणं वरघण्टागलयमालुज्जलसिरिधराणं पउमुप्पलसगलसुरभिमालाविभूसियाणं वइरखुराणं विविहविक्खुराणं फालियामयदन्ताणं तवणिज्जजीहाणं तवणिजतालुयाणं तवणिज्जजोत्तगजोइयाणं कामगमाणं पीइगमाणं मणोगमाणं मणोरमाणं अमियगईणं अमियबलवीरियपुरिसक्कार परकमाणं महया गज्जियगंभीररवेणं महुरेणं मणहरेणं पूरेंता अंबरं दिसाओ य सोभयंता चत्तारि देवसाहस्सीओ वसहरूवधारीणं देवाणं पचतिथमिल्लं बाहं परिवहति । चन्दविमाणस्स णं उत्तरेणं सेयाणं सुभगाणं सुप्पभाणं तरमल्लिहायणाणं हरिमेलमउलमल्लियच्छाणं चंचुच्चियललियपुलियचलचवलचंचलगईणं लंघणवग्गणधावणधोरणतिवइजइणसिक्खियगईणं ललंतला मगलला यवरभूसणाणं सण्ण
६६८