Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 656

व०३ च० गंगा० भ० पयाणं]
सुत्तागमे
५८१
पव्वयस्स पुरथिमिल्लंसि कडगंसि णामगं आउडेइ-ओसप्पिणीइमीसे तइयाएँ समाइ पच्छिमे भाए। अहमंसि चक्कवट्टी भरहो इय नामधिजेणं॥ १ ॥ अहमंसि पढमराया अहयं भरहाहिवो णरवरिंदो । णत्थि महं पडिसत्तू जियं मए भारहं वासं ॥ २ ॥ तिकडु णामगं आउडेइ णामगं आउडित्ता रहं परावत्तेइ २ त्ता जेणेव विजयखंधावारणिवेसे जेणेव बाहिरिया उवट्ठाणसाला तेणेव उवागच्छइ २ त्ता जाव चुल्लहिमवंतगिरिकुमारस्स देवस्स अट्टाहियाए महामहिमाए णिव्वत्ताए समाणीए आउहघरसालाओ पडिणिक्खमइ २ त्ता जाव दाहिणदिसिं वेयड्डपव्वयाभिमुहे पयाए यावि होत्था ॥ ६३॥ तए णं से भरहे राया तं दिव्वं चक्करयणं जाव वेयड्डस्स पव्वयस्स उत्तरिल्ले णियंबे तेणेव उवागच्छइ २ त्ता वेयबुस्स पव्वयस्स उत्तरिल्ले णियंबे दुवालसजोयणायामं जाव पोसहसालं अणुपविसइ जाव णमिविणमीणं विजाहरराईणं अट्ठमभत्तं पगिण्हइ २ त्ता पोसहसालाए जाव णमिविणमिविज्जाहररायाणो मणसीकरेमाणे २ चिट्ठइ, तए णं तस्स भरहस्स रण्णो अट्ठमभत्तंसि परिणममाणंसि णमिविणमीविजाहररायाणो दिव्वाए मईए चोइयमई अण्णमण्णस्स अंतियं पाउब्भवंति २ त्ता एवं वयासी-उप्पण्णे खलु भो देवाणुप्पिया! जंबुद्दीवे दीवे भरहे वासे भरहे राया चाउरंतचक्कवट्टी तं जीयमेयं तीयपच्चुप्पण्णमणागयाणं विज्जाहरराईणं चक्कवट्टीणं उवत्थाणियं करेत्तए, तं गच्छामो णं देवाणुप्पिया! अम्हेवि भरहस्स रण्णो उवत्थाणियं करेमोत्तिक विणमी णाऊणं चक्कवहि दिव्वाए मईए चोइयमई माणुम्माणप्पमाणजुत्तं तेयस्सिं रूवलक्खणजुत्तं ठियजुव्वणकेसवट्ठियणहं इच्छियसीउण्हफासजुत्तं-तिसु तणुयं तिसु तंबं तिवलीगइउण्णयं तिगंभीरं । तिसु कालं तिसु सेयं तियाययं तिसु य विच्छिण्णं ॥१॥ समसरीरं भरहे वासंमि सव्वमहिलप्पहाणं सुंदरथणजहणवरकरचलणणयणसिरसिजदसणजणहिययरमणमणहरि सिंगारागार जाव जुत्तोवयारकुसलं अमरवहूणं सुरूवं रूवेणं अणुहरंतिं सुभई भइंमि जोव्वणे वट्टमाणिं इत्थीरयणं णमी य रयणाणि य कडगाणि य तुडियाणि य गेण्हइ २ त्ता ताए उक्किट्ठाए तुरियाए जाव उद्धृयाए विजाहरगईए जेणेव भरहे राया तेणेव उवागच्छंति २ त्ता अंतलिक्खपडिवण्णा सखिखिणियाइं जाव जएणं विजएणं वद्धावेंति २ त्ता एवं वयासी-अभिजिए णं देवाणुप्पिया! जाव अम्हे देवाणुप्पियाणं आणत्तिकिंकरा इतिकटु तं पडिच्छंतु णं देवाणुप्पिया! अम्हं इमं जाव विणमी इत्थीरयणं णमी रयणाणि. समप्पेइ। तए णं से भरहे राया जाव पडिविसज्जेइ २ त्ता पोसहसालाओ पडिणिक्खमइ २ त्ता मजणघरं अणुपविसइ २ ता. भोयणमंडवे जाव णमिविणमीणं विजाहरराईणं अट्ठाहियमहामहिमा, तए णं से दिव्वे चक्करयणे आउहघरसालाओ पडिणि