________________
प० २९ णे० अणागारोवओग० ] सुत्तागमे
वेयएसु जीवाइओ तियभंगो, नपुंसगवेयए य जीवेगिंदियवज्जो तियभंगो, अवेयए जहा केवलणाणी ॥ दारं ११ ॥ ६५६ ॥ ससरीरी जीवेगिंदियवज्जो तियभंगो, ओरालियसरीरीजीवमणूसेसु तियभंगो, अवसेसा आहारगा, नो अणाहारगा जेसिं अथ ओरालियसरीरं, वेउव्वियसरीरी आहारगसरीरी य आहारगा, नो अणाहारगा जेसिं अत्थि, तेयकम्मसरीरी जीवेगिंदियवज्जो तियभंगो, असरीरी जीवा सिद्धा य नो आहारगा, अणाहारगा ॥ दारं १२ ॥ आहारपजत्तीए पज्जत्तए सरीरपज्जत्तीए पजत्तए इंदियपज्जत्तीए पजत्तए आणापाणुपज्जत्तीए पज्जत्तए भासामणपजत्तीए पज्जत्तए एयासु पंचसु वि पज्जत्तीसु जीवेसु मणूसेसु य तियभंगो, अवसेसा आहारगा, नो अणाहारगा, भासामणपज्जत्ती पंचिंदियाणं, अवसेसाणं नत्थि । आहारपजत्तीअपज्जत्तए णो आहारए, अणाहारए एगत्तेण वि पुहुत्तेण वि, सरीरपज्जत्तीअपजत्तए सिय आहारए सिय अणाहारए, उवरिल्लियासु चउसु अपज्जत्तीसु नेरइयदेवमणूसेसु छब्भंगा, अवसेसाणं जीवेगिंदियवज्जो तियभंगो, भासामणपज्जत्तएसु जीबेसु पंचिंदियतिरिक्खजोगिएसु य तियभंगो, नेरइयदेवमणुएस छब्भंगा । सव्वपएस एगत्तपोहत्तेणं जीवाइया दंडगा पुच्छाए भाणियव्वा जस्स जं अत्थि तस्स तं पुच्छिजइ, जस्स जं णत्थि तस्स तं ण पुच्छिनइ जाव भासामणपज्जत्तीअपज्जत्तएसु नेरइयदेवमणुएसु छब्भंगा, सेसेसु तियभंगो ॥ ६५७ ॥ दारं १३ ॥ बिइओ उद्देसो समत्तो ॥ पन्नवणाए भगवईए अट्ठावीसइमं आहारपयं समत्तं ॥
कइविहे णं भंते ! उवओगे पन्नत्ते ? गोयमा ! दुविहे उवओगे पन्नत्ते । तंजहा - सागारोवओगे य अणागारोवओगे य । सागारोवओगे णं भंते ! कइविहे पन्नत्ते ? गोयमा ! अट्ठविहे पन्नत्ते । तंजहा - आभिणिबोहियणाणसागारोवओगे, सुयणाणसागारोवओगे, ओहिणाणसागारोवओगे, मणपज्जवणाणसागारोवओगे, केवलणाणसागारोवओगे, मइअण्णाणसागारोवओगे, सुयअण्णाणसागारोवओगे, विभंगणाणसागारोवओगे | अणागारोवओगे णं भंते ! कइविहे पन्नत्ते ? गोयमा ! चउव्विहे पन्नते । तंजहा- चक्खुदंसणअणागारोवओगे, अचक्खुदंसणअणागारोवओगे, ओहिदंसणअणागारोवओगे, केवलदंसणअणागारोवओगे य । एवं जीवाणं ॥ ६५८ ॥ नेरइयाणं भंते ! कइविहे उवओगे पन्नत्ते ? गोगमा ! दुविहे उवओगे पन्नत्ते । तंजहा - सागारोव - ओगे य अणागारोवओगे य । नेरइयाणं भंते ! सागारोवओगे कइविहे पन्नत्ते ? गोयमा ! छव्विहे पन्नत्ते । तंजहा - मइणाणसागारोवओगे, सुयणाणसागारोवओगे, ओहिणाणसागारोवओगे, मइअण्णाणसागारोवओगे, सुयअण्णाणसागारोवओगे, विभंगणाणसा गारोवओगे । नेरइयाणं भंते! अणागारोवओगे कइविहे पन्नत्ते ? गोयमा !
५११
