________________
१० ११ पज्जत्तियमोसभासभेया] सुत्तागमे कंसं कंसोयं परिमंडलं सेलं जालं थालं तारं रूवं अच्छिपव्वं कुंडं पउमं दुद्धं दहिं णवणीयं असणं सयणं भवणं विमाणं छत्तं चामरं भिंगारं अंगणं णिरंगणं आभरणं रयणं जेयावन्ने तहप्पगारा सव्वं तं णपुंसगवऊ ? हंता गोयमा ! कंसं जाव रयणं जेयावन्ने तहप्पगारा सव्वं तं णपुंसगवऊ ॥ ३८४ ॥ अह भंते ! पुढवी इत्थिवऊ आउत्ति पुमवऊ धण्णेत्ति नपुंसगवऊ पन्नवणी णं एसा भासा, ण एसा भासा मोसा ? हंता गोयमा! पुढवित्ति इत्थिवऊ आउत्ति पुमवऊ धण्णेत्ति नपुंसगवऊ पण्णवणी णं एसा भासा, ण एसा भासा मोसा। अह भंते ! पुढवित्ति इत्थिआणवणी, आउत्ति पुमआणवणी, धण्णेत्ति नपुंसगाणवणी पण्णवणी णं एसा भासा, ण एसा भासा मोसा ? हंता गोयमा ! पुढवित्ति इत्थिआणवणी, आउत्ति पुमआणवणी, धण्णेत्ति नपुंसगाणवणी पण्णवणी णं एसा भासा, ण एसा भासा मोसा । अह भंते ! पुढवीति इत्थिपण्णवणी, आउत्ति पुमपण्णवणी, धण्णेत्ति णपुंसगपण्णवणी आराहणी णं एसा भासा, ण एसा भासा मोसा ? हंता गोयमा ! पुढवीति इत्थिपण्णवणी, आउत्ति पुमपण्णवणी, धण्णेत्ति णपुंसगपण्णवणी आराहणी णं एसा भासा, ण एसा भासा मोसा। इच्चेवं भंते ! इत्थिवयणं वा पुमवयणं वा णपुंसगवयणं वा वयमाणे पण्णवणी णं एसा भासा, ण एसा भासा मोसा ? हंता गोयमा ! इत्थिवयणं वा पुमवयणं वा णपुंसगवयणं वा वयमाणे पण्णवणी णं एसा भासा, ण एसा भासा मोसा ॥ ३८५ ॥ भासा णं भंते ! किमाइया, किंपवहा, किंसंठिया, किंपज्जवसिया ? गोयमा ! भासा णं जीवाइया, सरीरप्पभवा, वजसंठिया, लोगंतपज्जवसिया पण्णत्ता । भासा कओ य पभवइ ? कइहि व समएहि भासई भासं भासा कइप्पगारा? कई वा भासा अणुमया उ?॥ सरीरप्पभवा भासा, दोहि य समएहिं भासई भासं । भासा चउप्पगारा, दोण्णि य भासा अणुमया उ ॥ ३८६ ॥ कइविहा णं भंते ! भासा पन्नत्ता ? गोयमा ! दुविहा भासा पन्नत्ता । तंजहा-पज्जत्तिया य अपज्जत्तिया य । पज्जत्तिया णं भंते ! भासा कइविहा पन्नत्ता ? गोयमा ! दुविहा पन्नत्ता । तंजहा–सञ्चाः मोसा य ॥ ३८७ ॥ सच्चा णं भंते ! भासा पजत्तिया कइविहा पन्नत्ता ? गोयमा ! दसविहा पन्नत्ता । तंजहा-जणवयसच्चा १, सम्मयसच्चा २, ठवणसच्चा ३, नामसच्चा ४, रूवसच्चा ५, पडुच्चसच्चा ६, ववहारसच्चा ७, भावसच्चा ८, जोगसच्चा ९, ओवम्मसच्चा १० । “जणवय १ संमय २ ठवणा ३ नामे ४ रूवे ५ पडुच्चसच्चे ६ य । ववहार ७ भाव ८ जोगे ९ दसमे ओवम्मसच्चे य १०” ॥ ३८८ ॥ मोसा णं भंते ! भासा पज्जत्तिया कइविहा पन्नत्ता ? गोयमा ! दसविहा पन्नत्ता । तंजहा-कोहणिस्सिया १, माणणिस्सिया २,
