Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 427

३५२
सुत्तागमे
[ पण्णवणासुतं
असंखिज्जा, अनंता ? गोयमा ! नो संखिज्जा, नो असंखिज्जा, अनंता । से केणणं भंते! एवं बुच्चइ - 'जीवपज्जवा नो संखिज्जा, नो असंखिज्जा, अनंता' ? गोयमा ! असंखिजा नेरइया, असंखिज्जा असुरकुमारा, असंखिजा नागकुमारा, असंखिजा सुवण्णकुमारा, असंखिज्जा विज्जुकुमारा, असंखिज्जा अगणिकुमारा, असंखिजा दीवकुमारा, असंखिजा उदहिकुमारा, असंखिज्जा दिसीकुमारा, असंखिजा वाउकुमारा, असंखिज्जा थणियकुमारा, असंखिज्जा पुढविकाइया, असंखिज्जा आउकाइया, असंखिज्जा तेउकाइया, असंखिज्जा वाउकाइया, अनंता वणप्फइकाइया, असंखिज्जा बेइंदिया, असंखिज्जा तेइंदिया, असंखिज्जा चउरिंदिया, असंखिज्जा पंचिंदियतिरिक्खजोणिया, असंखिजा मणुस्सा, असंखिज्जा वाणमंतरा असंखिज्जा जोइसिया, असंखिज्जा वैमाणिया, अणंता सिद्धा, से एएणट्टेणं गोयमा ! एवं वुच्चइ – ते णं नो संखिज्जा, नो असंखिजा, अनंता ॥ २४७ ॥ नेरइयाणं भंते! केवइया पज्जवा पन्नत्ता ? गोयमा ! अनंता पज्जवा पन्नत्ता । से केणट्टेणं भंते ! एवं वुच्चइ – 'नेरइयाणं अनंता पज्जवा पन्नत्ता' ? गोयमा ! नेरइए नेरइयस्स दव्वट्टयाए तुले, पएसट्टयाए तुल्ले, ओगाहणट्टयाए सिय हीणे सिय तुल्ले सिय अब्भहिए । जइ हीणे असंखिज्जइभागहीणे वा संखिज्जइभागहीणे वा संखिज्ज - गुणहीणे वा असंखिज्जगुणहीणे वा । अह अब्भहिए असंखिज्जइभागमब्भहिए वा संखिज्जइभागमब्भहिए वा संखिज्जगुणमब्भहिए वा असंखिज्जगुणमब्भहिए वा । ठिईए सिय हीणे सिय तुल्ले सिय अब्भहिए । जइ हीणे असंखिज्जइभागही वा संखिज्जइभागहीणे वा संखिज्जगुणहीणे वा असंखिज्जगुणहीणे वा । अह अब्भहिए असंखिज्जभागमब्भहिए वा संखिज्जभागमब्भहिए वा संखिज्जगुणमब्भहिए वा असंखिज्जगुणमब्भहिए वा । कालवण्णपज्जवेहिं सिय हीणें सिय तुल्ले सिय अब्भहिए । जइ हीणे अणंतभागहीणे वा असंखेज्जभागहीणे वा संखेज्जभागहीणे वा संखेजगुणहवा असंखेजगुणहीणे वा अनंतगुणहीणे वा । अह अब्भहिए अणंतभागमब्भहिए वा असंखेज्जभागमब्भहिए वा संखेजभागमन्भहिए वा संखेज्जगुणमब्भहिए वा असंखेज्जगुणमब्भहिए वा अनंतगुणमब्भहिए वा । नीलवन्नपज्जवेहिं लोहियवन्नपज्जवेहिं हाद्दिवन्नपज्जवेहिं सुलिवन्नपज्जवेहिं छाणवडिए । सुब्भिगंधपज्जवेहिं दुब्भिaurat aडए । तित्तरसपज्जवेहिं कडुयरसपज्जवेहिं कसायरसपज्जवेहिं अंबिलरसपज्जवेहिं महुररसपज्जवेहिं छट्ठाणवडिए । कक्खड फासपज्जवेहिं मउयफासपज्जवेहिं गरुयफासपज्जवेहिं लहुयफासपज्जवेहिं सीयफासपज्जवेहिं उसिणफासपज्जवेहिं निद्धफासपज्जवेहिं लुक्खफासपज्जवेहिं छट्ठाणवडिए । आभिणिबोहियनाणपज्जवेहिं