Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 165

सुत्तागमे
[रायपसेणइयं भेरिं च दण्डं च गहाय कूडागारसालाए अन्तो २ अणुपविसइ २ ता तीसे कूडागारसालाए सव्वओ समन्ता घणनिचियनिरन्तरनिच्छिड्डाई दुवारवयणाइं पिहेइ । तीसे कूडागारसालाए बहुमज्झदेसभाए ठिच्चा तं भेरिं दण्डएणं महया २ सद्देणं तालेज्जा । से नूणं पएसी ! से णं सद्दे अन्तोहितो बहिया निग्गच्छइ ?” “हन्ता निग्गच्छइ”। "अत्थि णं पएसी ! तीसे कूडागारसालाए केइ छिड्डे वा जाव राई वा जओ णं से सद्दे अन्तोहितो बहिया निग्गए ?” “नो इणढे समढे"। "एवामेव पएसी ! जीवे वि अप्पडिहयगई पुढविं भिच्चा सिलं भिच्चा पव्वयं भिच्चा अन्तोहिंतो बहिया निग्गच्छइ । तं सद्दहाहि णं तुमं पएसी ! अन्नो जीवो 'तं चेव" ॥ ३ ॥ ६३ ॥ तए णं पएसी राया केसि कुमारसमणं एवं वयासी-“अस्थि णं भन्ते ! एसा पन्ना उवमा । इमेण पुण कारणेणं नो उवागच्छइ । एवं खलु भन्ते ! अहं अन्नया कयाइ बाहिरियाए उवट्ठाणसालाए जाव विहरामि । तए णं ममं नगरगुत्तिया ससक्खं जाव उवणेन्ति । तए णं अहं तं पुरिसं जीवियाओ ववरोवेमि २ त्ता अओकुम्भीए पक्खिवामि २ त्ता अउमएणं पिहाणएणं पिहावेमि जाव पञ्चइएहिं पुरिसेहिं रक्खामि । तए णं अहं अन्नया कयाइ जेणेव सा कुम्भी तेणेव उवागच्छामि २ त्ता तं अउकुम्भि उग्गलच्छामि। तं अउकुम्भि किमिकुम्भि पिव पासामि। नो चेव णं तीसे अउकुम्भीए केइ छिड्ढे वा जाव राई वा जओ णं ते जीवा बहियाहिंतो अन्तो अणुपविट्ठा। जइ णं तीसे अउकुम्भीए होज केइ छिड्डे. जाव अणुपविठ्ठा, तए णं अहं सद्दहेज्जा जहा अन्नो जीवो तं चेव । जम्हा णं तीसे अउकुम्भीए नत्थि केइ छिड्डे वा जाव अणुपविट्ठा तम्हा सुपइट्ठिया मे पइन्ना जहा तं जीवो तं सरीरं तं चेव" ॥ तए णं केसी कुमारसमणे पएसिं रायं एवं वयासी-“अत्थि णं तुमे पएसी ! कयाइ अए धन्तपुत्वे वा धमावियपुव्वे वा ?' "हन्ता अत्थि" । “से नूणं पएसी ! अए धन्ते समाणे सव्वे अगणिपरिणए भवइ ?" "हन्ता भवइ” । “अस्थि णं पएसी ! तस्स अयस्स केइ छिड्ढे वा० जेणं से जोई बहियाहिंतो अन्तो अणुपविढे?” “नो इणढे समढे" । “एवामेव पएसी ! जीवो वि अप्पडिहयगई पुढवि भिच्चा सिलं भिच्चा बहियाहिंतो अन्तो अणुपविसइ । तं सद्दहाहि णं तुमं पएसी ! 'तहेव” ॥४॥६४ ॥ तए णं पएसी राया केसिं कुमारसमणं एवं वयासी-“अत्थि णं भन्ते ! एसा पन्ना उवमा । इमेण पुण मे कारणेणं नो उवागच्छइ । भन्ते ! से जहानामए केइ पुरिसे तरुणे जाव सिप्पोवगए पभू पञ्चकण्डगं निसिरित्तए ?” “हन्ता पभू"। "जइ णं भन्ते ! सो चेव पुरिसे बाले जाव मन्दविन्नाणे पभू होज्जा पञ्चकण्डगं निसिरित्तए, तो णं अहं सद्दहेजा जहा अन्नो जीवो तं चेव । जम्हा णं भन्ते ! स